LATEST NEWS
Ubuzima
Indwara y’akamondo (Tonsillitis) ishobora kwica abana iyo itavuwe
Publish Date: vendredi 6 novembre 2015
VISITS :1073
By Admin

Indwara y’akamondo cyangwa (Tonsillitis) ni imwe mu ndwara zifata mu myanya ya ruguru y’ubuhumekero ikabyimbisha inyama ziri impande y’akamironko mu kanwa hepfo y’ururimi zitwa (tonsilis) bikabamgamira cyane uko umwana ahumeka ndetse iyi ndwara ngo irica iyo itavuwe neza.

Ibimenyetso nyamukuru biranga iyi ndwara birimo kuribwa mu gatuza, guhinda umuriro mwinshi, guhumeka nabi umwana asemeka cyangwa ahirita rimwe na rimwe bikamutera akayi akaruka amasherekla cyangwa icyo ari cyo cyose ariye.

Iyi ndwara ikunze kwibasira abana bari munsi y’imyaka ibiri ikunze kwitiranywa n’izindi ndwara zifata mu kanwa hepfo y’ururimi mu Kinyarwanda bita ‘ibirimi’ cyangwa ‘ibikweto’ nyamara hari itandukaniro nuko abantu benshi bataramenya izi ndwara.

Akamondo ntabwo gahita kigaragaza ngo umubyeyi w’umwana amenye ko ari ko, akenshi usanga ababyeyi barwaje abana iyi ndwara baba batayizi bakavuza igihe kirekire mu mavuriro atandukanye abaganga bababwira ko umwana arwaye inorora cyangwa bronchute kuko gafite ibimenyetso bijya gusa n’iby’izi ndwara. Iyo barambiwe kwishyura amafaranga menshi ku mavuriro umwana atoroherwa, bahitamo kujya mu buvuzi bwa Kinyarwanda bukoresha imiti y’ibyatsi gakondo, bityo ngo bakahabonera igisubizo cyihuse kuri iyi ndwara.

Mbonyumuvunyi Augustin ni umwe mu bavuzi ba gakondo b’abanyamwuga mu Rwanda bavurisha ibyatsi, avuga ko iyi ndwara y’akamondo Atari indwara ya vuba kuko ngpo hashize imyaka icumi ayizi ku bana bari munsi y’imyaka ibiri ngo dore ko itangira kwibasira cyane cyane impinja.

Nk’uko abisobanura, Mbonyumuvunyi avuga ko na we atazi igitera iyi ndwara ariko avuga ko ubwiganze bwayo bugaragara cyane mu gihe cy’umuyaga n’imbeho. Avuga ko kudafufika abana mu gihe hakonje bishobora gutuma bafata ubwandu bw’iyi ndwara akeka ko yaba izanwa n’ubukonje. Akomeza avuga ko n’amazi mabi kuyaha abana Atari byiza ngo kuko bishobora gufasha ubwandu bw’iyi ndwara kwinjira mu myanya y’ubuhumekero.

Nk’uko asanzwe ayivura, Mbonyumuvunyi avuga ko bishobora gufata igihe kinini kigera nko ku mezi abiri cyo kuvura umwana uyirwaye mu gihe iyi ndwara yaba yaramaze gufata indi ntera ngo kuko ubusanzwe arayivura kandi igakira bidatinze. Avuga ko mu bana yakira ku munsi, batatu baba bafite iyo ndwara y’akamondo. Avuga ko mu gihe iyi ndwara yamaze gukura umwana aba atagishobora guhumeka za nyama za tonsilis zabyimbye zikazamo amashyira kandi ngo iyo ayo mashyira yiturikije ashobora kumanukira mu yindi myanya y’epfo y’ubuhumekero umwana akaba yahita apfa.

Mu miti avurisha iyi ndwara harimo imiti y’ibyatsi ivanze n’ubuki bwa Kinyarwanda.

Ubuhamya bw’undi muganga wa gakondo witwa Mukakibungo Regine utuye mu murenge wa Jabana mu karare ka Gasabo, avuga ko amaze kuvura iyi ndwara abana barenga 100 akoresheje imiti y’ibyatsi gakondo.


Icyo abaganga ba kizungu bayivugaho

Prof. Stephenson Musiime, Muganga ushinzwe kwita ku buzima bw’abana n’abagore mu bitaro byitiriwe umwami fayisali I Kigali, asobanura ko indwara z’ubuhumekero zafataga muri ubu buryo ari indwara zifata inyama zo mu kanwa zizwi nka (pharyingitis,tonsilis na (epiglottis cyangwa akamironko) ariko akaba avsobanura ko indwara yo kubyimba akamironko yo itakibaho ngo kuko bakingiye mikorobe yayiteraga yitwaga ‘emophilis’.

Nubwo ababyeyi bamenshi bataramenya ko iyi ndwara ivurirwa kwa muganga kandi igakira iyo yamenyekanye, abaganga ba kizungu bavuga ko iyi ndwara ishobora kuvurwa hakoreshejwe imiti yo kunywa (antibiotics)cyangwa bagakata uduce tw’izo nyama iyo bigaragara ko twamaze kwangirika ariko ngo ntacyo bitwara umwana.

Dogiteri Tuyishimire Gratien, muganga ukora mu ishami ry’indwara z’amatwi, amazuru n’ururimi(ENT) na serivise zo kubaga indwara z’ijosi n’umuitwe mu bitaro bya kaminuza bya Kigali (CHUK) ahamya ko ibimenyetso by’iyi ndwara bigaragaza ko ari ziriya nyama zo mu kanwa zikikije munsi y’ururimi zitwa (Tonsils) ziba zarwaye indwara yitwa Tonsillitis, indwara ituruka ku kubyimba kw’izi nyama zisanzwe zifite umumaro wo kurinda mikorobe zifata imyanya y’ubuhumekero. Asobanura ko izi mikorobe zishobora guturuka mu muyaga, mu biryo cyangwa mu byo kunywa byanduye.

Dr.Tuyishimire na we atsindagira ko ibimenyetso by’iyi ndwara birimo guhinda umuriro mwinshi no kubyimba zino nyama za tonsils bishoibora no gutera amashyira bikabangamira inzira z’ubuhumekero. Avuga ko mu kuyivura hatangwa imiti irwanya mikorobe zibyimbisha (antibiotics anti-inflammatory).

Dogiteri Tuyishimire kandi avuga ko iyi ndwara akenshi ibuza abana gusinzira mu gihe cya nijoro. Asobanura ko mu gihe iyi ndwara yamaze gukura ituma umwana adashobora kumira ibyo ariye ndetse ikamubuza amahoro cyane cyane nijoro aryamye amera nk’usambagurika.

Ubuhamya bw’ababyeyi barwaje abana indwara ya Tonsils

Dr. Binagwaho Agnes Minisitiri w’Ubuzima

Mukamana Olive, umubyeyi w’umwana w’amezi 9 avuga ko yamaze amezi atandandatu amuvuza mu mavuriro atandukanye bamubwira ko arwaye bronchute.

Undi mubyeyi witwa Kayitesi Cecile ufite umwana w’umwaka umwe agira ati : “ umwana wanjye ntiyashoboraga gusinzira ijoro ryose nararaga nicaye ngira ngo arapfa, sinabara inshuro nirutse kwa muganga cyane cyane abaganga b’abana bambwira ko arwaye bronchute,”

Dogiteri Tuyishimire agira ababyeyi inama yo kwizera ubuvuzi bwa kizungu mbere yo kwihutira kujya muri gakondo, dore ko anavuga ko abana benshi bazanwa kwa muganga nyuma yo guhura n’ingaruka batewe n’abaganga ba gakondo rimwe na rimwe babakata ibice by’umubiri batarabyize. Nanone agira inama abaganga ba gakondo ko bagomba kumenya aho ubushobozi bwabo bugarukira ntibihutire gukata ibice by’umuburi batarabyize.

Yagize ati : “Nzi neza ko abaganga ba gakondo batemerewe gukata igice cy’um,ubiri w’umuntu iyo bibaye ngombwa ko indwara ikenera kubagwa,”

Yakomeje agira ati : “Rimwe na rimwe twakira abarwayi bamaze kwangizwa n’imikasi y’abavuzi gakondo, abarwayoi baza bava amaraso bamaze no kwandura mikorobe, inmama nziza nagira abarwayi nuko bakwihutira kujya kwa muganga,”
Dogiteri Tuyishimire avuga ko izi ndwara zidafata gusa abana ahubwo zifata n’abakuru nubwo usanga Atari inshuro nyinshi nko ku bana bari hasi y’imyaka itanu. Avuga ko iyi ndwara ya tonsils ishobora guterwa na virusi cyangwa (bacterie).

Kugeza ubu nta mibare izwi y’abana bashobora kuba barwaye iyi ndwara muri rusange.

Elias hakizimana.

IBITEKEREZO

TANGA IGITEKEREZO

Kwamamaza
Kwamamaza
Also in this section
Uganda:Abakobwa batari baryamana n’ Abasore (Amasugi) bagiye kujya bahembwa

Uganda:Abakobwa batari baryamana n’ Abasore (Amasugi) bagiye kujya...

Urukiko rwafashe umwanzuro ku kibazo cy’umwana wa Ciara na Future

Urukiko rwafashe umwanzuro ku kibazo cy’umwana wa Ciara na Future

Ukurusha umugore akurusha urugo ; Mugabo menya ibiranga umugore mwiza

Ukurusha umugore akurusha urugo ; Mugabo menya ibiranga umugore...

Gukora imibonano mpuzabitsina neza ku bashakanye bituma biteza imbere ( Ubuhamya Video )

Gukora imibonano mpuzabitsina neza ku bashakanye bituma biteza imbere (...

Dore ibintu 5 umusore n’umukobwa bakwiye kwirinda igihe bagiye guhura bwa mbere

Dore ibintu 5 umusore n’umukobwa bakwiye kwirinda igihe bagiye guhura bwa...

NEW POSTS
Ibimenyetso bishya ku ihanurwa ry’Indege ya Habyarimana : Imbunda yakoreshejwe irasa missile yafatiwe muri Congo

27-02-2017

Ibimenyetso bishya ku ihanurwa ry’Indege ya Habyarimana : Imbunda...

Amaraso arasama : Kayumba yataye umutwe asigaye arara kumva ya Karegeya

26-02-2017

Amaraso arasama : Kayumba yataye umutwe asigaye arara kumva ya...

Umugororwa Rugamba Jovin arashakishwa uruhindu kubera gutoroka gereza nshya ya Mageragere

26-02-2017

Umugororwa Rugamba Jovin arashakishwa uruhindu kubera gutoroka gereza...

Uko Dusabe Therese nyina wa Victoire Ingabire yoretse imbaga i Butamwa

25-02-2017

Uko Dusabe Therese nyina wa Victoire Ingabire yoretse imbaga i...

Guverinoma y’Icyuka isa n’abana batoba akondo

24-02-2017

Guverinoma y’Icyuka isa n’abana batoba akondo

Hagati ya leta ya CNDD-FDD n’ Inshuti yayo Mkapa harimo utavugisha ukuri

23-02-2017

Hagati ya leta ya CNDD-FDD n’ Inshuti yayo Mkapa harimo utavugisha...

Kugirango u Rwanda rugire amahoro ni uko Abafaransa bava muri Uganda, ese birashoboka ?

23-02-2017

Kugirango u Rwanda rugire amahoro ni uko Abafaransa bava muri Uganda, ese...

Visi Perezida w’u Buhinde yashimye Kagame aho yavanye u Rwanda

22-02-2017

Visi Perezida w’u Buhinde yashimye Kagame aho yavanye u Rwanda