Umuyobozi ushinzwe imyubakire mu Mujyi wa Kigali yeguye

Umuvugizi w’Umujyi wa Kigali, Bruno Rangira, yabwiye itangazamakuru  ko Dr Nkurunziza yashyikirije ibaruwa y’ubwegure bwe Umuyobozi w’agateganyo w’Umujyi wa Kigali.

Rangira yakomeje avuga ko muri iyo baruwa Dr Nkurunziza yavuze ko yeguye ku “mpamvu ze bwite”.

Iyi mpamvu y’ubwegure bw’uyu muyobozi ushinzwe imyubakire mu Mujyi wa Kigali itanzwe ikurikira indi nkayo y’uwari Umuyobozi w’Umujyi wa Kigali, Pascal Nyamulinda, weguye muri Mata 2018; hakazatorwa umushya ku wa 25 Gicurasi 2018.

Umwanya w’Umuyobozi w’Ishami ry’imyubakire muri Kigali wo ntutorerwa, upiganirwa mu bizamini ku bize ibijyanye nawo.