Ikipe y’igihugu ya Cameroun ni yo ya mbere yageze mu Rwanda muzizitabira CHAN 2016 izatangira taliki 16 Mutarama kugeza kuya 07 Gashyantare 2016.
Ikipe ya Cameroun yamaze kugera mu Rwanda kwitabira CHAN 2016
Urubuga rwa interineti rw’Ishyirahamwe ry’umupira w’amaguru muri Cameroun “FECAFOOT” ruvuga ko delegasiyo igizwe n’abakinnyi 23 bayobowe n’umutoza Ndtoungou Mpilé bahagurutse i Yaounde muri Cameroun ku cyumweru taliki 03 Mutarama 2016, baragera i Kigali mu masaha y’ijoro mu ndege “Kenya Airways”
Ishyirahamwe ry’umupira w’amaguru mu Rwanda “FERWAFA” ribinyujije ku rubuga rwa interineti ryavuze ko itsinda ry’ikipe ya Cameroun ryahise ryerekeza i Rubavu mu myitozo y’iminsi ibiri mbere yo gukina n’ ikipe y’igihugu Amavubi mu mukino wa gicuti uzaba ejo ku wa gatatu taliki 06 Mutarama 2016 i saa 15h30 kuri Sitade ya Rubavu.
M.FILS
