Ikinyoma : Judi Rever, Yongeye Gukora U Rwanda Mu Jisho Abeshya Ko Rwashatse Kwica Museveni.

Judi Rever ni muntu ki?

Uyu mugore atuye Montreal ariko akaba yarize muri Ryeson University( Toronto) aho yakuye impamyabushobozi mw’itangazamakuru.Judi R.yakoreye cyane cyane RFI na Agence France- Presse na le monde Diplomatique.

Mu myaka ya 1997-1999 nibwo yatangiye kujya kubonana n’abajenosideri bahungiye mu mashyamba ya Congo, ndetse acudika cyane na Col. Numbi. Nibwo yatangiye gusebya u Rwanda.

Atashye muri Canada, atangira campagne yo kuvugira RNC [ibigarasha] ahereye  Afrika y’Epfo [South Africa], aho yanditse mu kinyamateka cyitwa  Globe and Mail, afatanije n’uwitwa Geoffrey York. Ariko kubera ko yasubiye Toronto nibwo acuditse na Himbara David, bageza naho bazungurukana i Bulayi batanga ibiganiro muri FDU-Inkingi, dore ko bamugororeye igikombe cyiswe Prix Victoire umuhoza.

Imigambi rero y’uyu mugore niyihe? Ari kumwe na Charles Onana, Filip Reytchens, Christopher Black, bafite umugambi mubisha wo kumvisha isi yose ko habayeho Jenoside EBYIRI.Ubari inyuma ni ba nde? Ni HRW, ni Rusesabagina,ndetse na babandi bitwa P5 bahuriye mu ngirwa mashyaka arimo RNC, Amahoro PPDI- Imanzi, FDU etc.. Ubu uyu mugore yahimbye ikinyoma cya semuhanuka avuga ko leta y’u Rwanda imuhiga bukware ngo imwice.

Ndabibitsa ko uyu Christopher Black afite umuhungu ugendana na Portia umukobwa wa Col. P. Karegeya akaba ari nawe ukora coordination[ guhuza ibikorwa ] yibyo binyoma byose bavuga ku Rwanda.

Ese amafaranga aturuka he? Aturuka mu bambari  ba RNC [ibigarasha], birimo Murayi( umukwe wa Kabuga,) Nataki( Laredo)  Rwasamihigo Louis( Danemark) uyu akaba ari umucikacumu ukize cyane ariko ukoreshwa na RNC n’abahezanguni kuvuga ko habaye double genocide. Ubu uyu Judi Rever yahawe uruvugiro mu kitwa COI bamwita expert for Rwandan Refugees( impuguke mu byerekeye impunzi z’Abanyarwanda.

Mu kwezi  kwa Werurwe 2018, hasakaye amakuru y’igitabo cyanditswe n’ uyu munyamakuru Judi Rever, usanzwe uzwi nk’umufana wa RNC. Uwo ari we wese uzi uyu Judi Rever n’imikorere ye ntashidikanya ku mikorere ye n’uko akorana kandi n’abafite uruhare muriJenoside,yakorewe abatutsi 1994.

Iki gitabo  cyiswe “In Praise of Blood” cy’uyu munyamakuru yagisohoye  nk’inyiturano kuba Jenosideri kuko hashize imyaka itatu ahawe igihembo cyiswe “Prix Victoire Ingabire Umuhoza pour la Démocratie et la Paix”.twababwiye haruguru.

Ntibitangaje rero kuba muri iyi minsi Judi Rever yongeye gukora u Rwanda mu jisho asohora inkuru y’ikinyoma mu kinyamakuru  cyo mu bufaransa cyitwa “La Lettre de l’Océan Indien” avuga ko cyashoboye kubona ko Perezida Museveni wa Uganda yasubitse urugendo yagombaga kugirira mu Burundi nyuma y’aho DGSE (Direction Générale de la Sécurité Extérieure) inzego z’iperereza zo hanze z’u Bufaransa zamenyesheje Perezida Museveni ko indege ye ishobora guhanurwa!

Judi Rever avuga ko u Bufaransa bwamenyesheje Perezida Museveni ko inyeshyamba zifashwa n’u Rwanda zashoboye kubona amakuru ku buryo indege ya Perezida Museveni izava muri Uganda yerekeza i Burundi (Plan de Vol) zikaba zari zifite gahunda yo guhanura indege ye zikoresheje ibisasu bya Missiles! Iki ni ikinyoma cyambaye ubusa kuko inama ya Comesa Perezida Museveni yagombaga kujyamo I Bujumbura yasubitswe kuko u Burundi butari bwujuje ibisabwa.

Umunyamakuru Judi Rever

Urugero ni ibaruwa yandikiwe Minisitiri w’u Burundi ushinzwe ubucuruzi kuya 20 Mukakaro 2017, Sindiso Ngwenya, umunyamabanga mukuru w’ishyirahamwe COMESA yamumenyesheje ko iyo nama itazabera mu Burundi nk’uko byari byemejwe, kubera ibikenewe byose bidakwiye kugira Uburundi bwakire abakuru b’ibihugu bigize iryo shyirahamwe, hamwe n’abaminisitiri b’ububanyi n’amahanga bibyo bihugu byose uko ari 20.

Mubyo Uburundi budafite, umunyamabanga mukuru wa COMESA avuga nk’amahoteri adahagije yo kwakira abo bakuru b’ibihugu, umutekano, amazu (Salles) yo kwakira abo bashyitsi , urugero: (Débit) rwa “Internet” ikenewe muri ayo manama rudahagije, hamwe n’amamodoka yo gutwara abo bategetsi idakwiye.

Muri iyo baruwa , umunyamabanga mukuru wa COMESA yamenyesheje ko iyo nama izabera ku kicaro cy’iryo shyirahamwe i Lusaka muri Zambiya.

Ahari umwotsi ntihabura umuriro. Ntawabura gukeka amababa RNC, Uburundi, Uganda n’ uBufaransa kuko  Judi Rever, yakoreye ibitangazamakuru by’Abafaransa bikomeye birimo Agence France Presse (AFP), Radio France Internationale na Le Monde Diplomatique.