Polisi ya Uganda ikorera mu Karere ka Mitiyana yatangaje ko yataye muri yombi abantu 4 bakekwaho kwica umunyarwanda witwa Tuzabana wari usanzwe ari umukozi w’ uruganda rw’ icyayi.
Uyu Tuzabana yishwe akubiswe n’ agatsiko k’ abantu benshi bamushinja ko yashatse gufata ku ngufu umugore witwa Mama Florence, ufite amacumbi akodeshwa aho Mitiyana nk’ uko Spyreports ibitangaza.
Aya makuru akomeza avuga kandi ko uyu mugore Mama Florence na we yagize uruhare rukomeye mu gukubita no guhururiza uyu musore, n’abandi baraza bamufasha kumukubita kugeza ubwo yashizemo umwuka.
Uyu muntu amaze kwicwa akubiswe, abashinzwe umutekano ngo bahageze batwara umurambo mu buruhukiro bw’ ibitaro Bikuru bya Mitiyana.
Tuzabana yakoraga nka nyakabyizi na bagenzi 20 mu ruganda rw’ icyayi ‘Tamteko Tea Company’ ndetse yari asanzwe atuye mu gace ka Bakijulula, muri zone ya Bulera kaherereye mu Karere ka Mityana.
![Musonera yirukanwe muri RNC ya Rudasingwa Theogene [ Harakekwa ubugambanyi ]](https://rushyashya.net/wp-content/uploads/2017/06/arton8351-360x240.jpg "Musonera yirukanwe muri RNC ya Rudasingwa Theogene [ Harakekwa ubugambanyi ]")
