Apotre Gitwaza aherutse kugaragaza ko yifuza ko Miss Rwanda 2018, Iradukunda Liliane yaba Miss w’isi nyamara benshi bakaba nta mahirwe bamuha ndetse nabayamuha bamuha make cyane.
Apotre Gitwaza aherutse gutumira Miss Iradukunda Liliane mu kiganiro kuri radio Authetic maze avuga ko ashimishwa no kuba ari we watoranijwe kuko ari umwana uzi Imana by’akarusho akaba asengera mu itorero rya Zioni Apotre Paul Gitwaza abereye umuyobozi.
Aha yahise anavuga ko Nyampinga w’u Rwanda Iradukunda Liliane ashobora kugera ku isi yose cyangwa se kuba Miss w’isi.
Twashatse kumenya icyo abanyarwanda batekereza kuri iki kifuzo cya Gitwaza maze tubinyujije kuri Facebook tubaza abantu uburyo babona Nyampinga w’u Rwanda 2018 ndetse n’amahirwe bamuha yo gutwara ikamba rya Miss w’Isi, benshi muri bo ntibigeze bamuha amahirwe nibura ageze kuri 50%.
