Iminsi uko yicuma ibigarasha bigenda byerekana isura yabyo. Baca umugani muKinyarwanda ngo abasangiye ubusa bitana ibisambo, ariko iyo tugeze ku bigarasha imvugo ihinduka abasangiye ibinyoma bitana abanzi. Jean Paul Turayishimye arashinja Noble Marara gukorera Leta y’u Rwanda aho yashatse gucyura inshoreke ye Tabita Gwiza maze Marara amusubiza ko Turayishimiye atunzwe n’ibinyoma dore ko nta kandi karimo k’amaboko afite.
Turayishimiye ashinja Noble Marara n’inkotsa ye Rosemary bakorana ku muzindaro wa Youtube Nyumva Nkumve gukorana na Leta y’u Rwanda mu gihe Marara avuga ko Turayishimiye afite agahinda gakabije atazi ibyo ashaka. Marara yavuzeko Turayishimiye yise umukarabya wa Kayumba Nyamwasa, nawe ashinja gusenya icyitwa opozisiyo aho Kayumba Nyamwasa yifashe ko icyakorwa atarimo ntacyo cyageraho.
Marara na Turayishimiye bari barigize intyoza ngo bazi amabanga y’u Rwanda ariko byaje kugaragara ko ari ubujajwa
RNC ntacyo imaze kuko iyoborwa na Kayumba nabandi bameze nka Turayishimye kuko RNC ihora yubakwa isenwa nk’inzu iri ku mwuzure. Yagarutseko Turayishimiye afite Blue Band mu bwonko. Nkumunyabinyoma Turayishimiye kuva yafungura umuzindaro we wa Youtube azana ingingo runaka agahora avuga ko azazana ibimenyetso afite video n’amajwi. Buri gihe ahora avuga ko azabizana ubutaha ko atari ngombwa mu kiganiro.
Gusa hari icyo Turayishimiye ahuriyeho na Marara akaba ari nacyo bapfa. Bigize abantu babaye muri APR bityo bazi amabanga akomeye abandi bahoze mu ri leta yaba jeenosideri bagomba kubatega amatwi. Mu kurushanwa guhimba inkuru usanga bombi babihuje. Icyambere bombi bahunze ari abasirikari batoya bari munsi ya serija. Turayishimiye yari ashinzwe kurera abana ba Kayumba Nyamwasa, Marara akora imodoka mu mutwe urinda Perezida n’abani bayobozi bakuru.
Ariko iyo Turayishimiye avuga amabanga ukuntu Perezida Kabila Laurent Desire yishwe nkuwari bimeze nka yamakuru y’abamotari, Marara iyo avuga urupfu rwa Habyarimana, wagirango yari ADC wa Major Mpiranya wari ukuriye abajepe ba Habyarimana
Guterana amagambo ni uko bombi baba bashaka kuba abami b’ibihuha ku mateka ya FPR/APR kandi bari mu myanya yo kumenya ibiri hasi. Marara iyo ashaka kubaga Kayumba nta kinya avugako bavuganaga ari Chef d’Etat Major. Ukibaza icyo Chef d’Etat Major yavugana na coporal kuri Telephone. Marara kandi avuga ko yari afite telephone icyo gihe mu gihe abbonnment n’ikarita yo guhamgara byarutaga umusahara we. Ntabwo kaporali yari kugora telephone muri 1999.
