Umuntu utaramenyekana yateye gerenade ahari ibiro bya polisi muri Zone ya Musaga, mu mujyi wa Bujumbura ahazwi nko kuri OTRACO.
Amakuru aturuka mu Burundi, avuga ko abantu begereye aho iyi gerenade yatewe, batangaje ko bumvise ituritse nka saa mbiri n’igice z’ijoro, ikaba yakurikiwe n’amasasu yarashwe n’abapolisi ariko uwayiteye yarangije kugenda.
Polisi y’u Burundi ntabwo yari yatangaza ibyangijwe n’iyi gerenade cyangwa se niba hari umuntu yafashe mu bapolisi bari aho yatewe.
Polisi yasatse ahazwi nko ku muhanda wa Gatanu, mu gace ka Kinanira, ariko ikaba nta ntwaro yafashe mu gihe n’abantu 10 bari bafashwe baje kurekurwa.
Ibitero bya gerenade mu bice bitandukanye by’u Burundi bikomeje kugaragara aho ku wa 24 Nzeri 2018, Gerenade yatewe mu rugo rw’uwitwa Shongongo Joseph utuye muri Zone Ruziba, muri Bujumbura ikomeretsa abantu bane.
Mu ijoro ryo ku wa Gatandatu tariki ya 22 Nzeri 2018, nabwo mu rugo rwa Ryakiye Isidore uyobora polisi mu ntara ya Muramvya hatewe Gerenade, ku bw’amahirwe ntihagira uwo ikomeretsa.
RUGENDO
ESE AMATOHOZA AGEZE KUWISHE UWARI UMUVUGIZI WA POLISE
AHETSE KWICWA???IVYABARUNDI NIVYABO MUBIBAREKERE !!MUJYE MUTUBWIRA
IBYACU!!BITUREBA!!!!!ABARASHWE MURI AMERICA
KO NTACYO MWATUBWIYE!!NTAMAKURU MWATAYE!!