Ku mugoroba wo kuri uyu wa Kane nibwo ikipe ya Manchester United yakiraga ikipe ya Feyenoord mu cyiciro cya mbere mu Buholandi iyitsinda ibitego 4-0 mu mukino w’umunsi wa gatanu mu irushanwa rya UEFA Europa League.
Ku munota wa 70’ Juan Mata Garcia yahise abonera Manchester United igitego cya kabiri ku munota wa 70’ w’umukino mbere yuko Bladley Jones wa Feyenoord yitsinda igitego ku munota wa 75’.
Umukino wageze ku munota wa 90’ ari ibitego 3-0, nyuma mu minota y’inyongera nibwo Jesse Lingaard yabonye igitego cya kane cyatumye abafana barenga ibihumbi 64 (64,628) barara baseka.
Muri uyu mukino, Wayne Rooney umaze iminsi akomerwa n’abafana, igitego yatsinze cyatumye ahita aba umukinnyi wa mbere wa Manchester United umaze kuyitsindira ibitego byinshi mu marushanwa y’i Burayi ategurwa na UEFA.
Kuri ubu Wayne Rooney amaze kugeza ibitego 39 kuko arusha Ruud Van Nisterlooy wayitsindiye ibitego 38.Ryan Giggs afite ibitego 29, Denis law 28, Paul Schooles 26 mu gihe Bobby Charlton afite ibitego 20.
Iki gitego kandi cyatumye Wayne Rooney agwiza ibitego 248 amaze gutsindira Manchester United dore ko asigaye arushwa igitego kimwe (1) na Sir Bobby Charlton watsinze ibitego 249.
Mu itsinda rya mbere (A) Manchester United irimo, iryamye ku mwanya wa kabiri (2) n’amanota icyenda (9) inyuma ya Fenerbache ifite amanota icumi (10).Mu gihe iyi kipe yazatsinda umukino ifitanye na Zorya yazahita ijya mu cyiciro gikurikira iyoboye itsinda mu gihe Fenerbache yatsikira.
Wayne Rooney na Juan Mata bishimira igitego cya mbere
