Ku gicamunsi cyo kuri uyu wa gatanu, ikompanyi y’u Rwanda gutwara abantu mu kirere ‘Rwandair’ yatangaje amafoto y’imwe mu ndege zayo nshya zo mu bwoko bwa ‘Airbus A330 -200’.
Iyi ndege A330-200 ifite ibyicaro (seats) 244, harimo imyanya 20 y’abakire (business class), 21 y’abaringaniye (premium) na 203 y’abantu basanzwe.Naho ngenzi yayo A330-300 yo izaba ifite ibyicaro 274, harimo 30 y’abakire, 21 y’abaringaniye na 223 y’abantu basanzwe.
