Muri iki gitondo umunyamategeko Ndikumana Vincent yandikiye ikinyamakuru Rushyashya yitandukanya n’ibikorwa bya murumuna we Rudasingwa Alexis uhagarariye RNC mu Bubiligi, yagize ati :
“Bwana Muyobozi w’ikinyamakuru Rushyashya,
Nkwandikiye iyi baruwa nyuma yo kubona ibyasohotse mu ikinyamakuru uyobora wandika kuri Rudasingwa Alexis, nkumenyesha ko jye ntaho mpuriye n’ibya RNC , uwo murumuna wanjye bivugwa ko arimo ndetse nana kumenyesha ko nta n’undi wo mu muryango wajye uri muri ibyo bikorwa bibi, usibye uwo Rudasingwa Alexis, akaba ari murumuna wajye sinyobewe ibyo u Rwanda rwagezeho rubikesha Ubuyobozi bwiza bwa FPR- Inkotanyi, ndetse na Perezida Paul Kagame by’umwihariko akaba aribo bandokoye nkarokokera muri CND, impamvu Alexis Rudasingwa ,ari muri iryo shyaka ntazo nzi ndetse n’icyabimuteye.
Ntabwo rero umuryango wanjye warokokeye mu Rwanda, ukwiye gushyirwa mu binyamakuru byanyu nkaho turi kumwe na Alexis muri izo pololitiki z’ibinyoma.
Amateka twaciyemo ntakwiye kugorekwa n’abashaka kudukurura mu ibibazo bye ahanini biturutse ku ibibazo birimo guterwa n’imyitwarire ye ku giti cye.
Mugire amahoro.“
Me Ndikumana Vincent
