GARUKA ni indirimbo y’urukundo nshya y’amajwi Mecky yasohoye, ni indirimbo irimo ubutumwa busaba umugore we cyangwa Fiance kugaruka kuko nta gikwiye kubatanya ngo bibagirwe urukundo rwabo rwa kera, bongere bibuke icyatumye bahura. Iyi ndirimbo iri mu Kinyarwanda mu njyana ituje, yenda kuba nka Karanyuze nkuko benshi bakunze kubyita. Ni indirimbo Mecky avuga ko ayitezeho byinshi ku bakunda umuziki.
Nkuko Mecky Kayiranga yabidutangarije, ngo nyuma y’igihe yaramaze atuje atagaragara cyane mu buhanzi, (ataririmba) agarukanye indirmbo “GARUKA” ikaba ije ari iya gatatu muzimaze kugera hanze zizajya kuri Album ya kabiri, iyi ndiirmbo yakozwe na Producer Aaron Tunga amajwi ariko n’amashusho akaba agiye gutangirwa gukorwa kuburyo mu kwezi kwa 5 izaba yamaze kugera hanze. Avuga yatangiye kwandika iyi ndirimbo mu 2013 ajya muri studio 2020 akaba ayishyize hanze Traiki ya 26 Mata 2021.
Iyi ndirimbo “Garuka” Mecky avuga ko ari indirimbo yitezeho impinduka mu muziki we no mu buzima bwa buri munsi bw’abakundana kuko yuje impanuro nyinshi.
Yatangaje kandi ko muri iki gihe yamaze gukora indirimbo nyinshi ariko zikaba zihereye kuri Garuka , bityo hakaba hari n’izindi ndirimbo z’urukundo ziri mu nzira yo gusohoka abanyarwanda bakabasha kuzumva kuko Imana yamuhaye inganzo n’impano icyo agomba gukora nukuyisangiza abanda.
Mecky Kayiranga asanzwe akora mu itangazamakuru kuko arimazemo imyaka myinshi, akaba n’umunyamuziki wakoze amahugurwa atandukanye mu bijyanye n’umuziki kuko yize Gucuranga Guitar muri Pacific Academy na Berklee College of Music muri Leta Zunze ubumwe bw’Amerika (US) , yize kandi Music Business Foundations , The Technology of Music Production na none muri Berklee College of Music, Akaba kandi yarakoze amahugurwa menshi mu bijyanye no gufotora amafoto ahantu hatandukanye nka Michigan state University, Gukora Video na sound kuko yanahoze akora ibijyanye na Videogrraphy na sound mu biro bya Minisitiri w’intebe.
Umuhanzi Mecky ubusanzwe amazina ye akaba ari Kayiranga Melchiore, nyuma yo gushyira hanze alubumu ye ya mbere yise “Humura” yaririho indirimbo 10 murizo izamenyekanye zikanakundwa cyane nka “Humura”, “Biruhanya” na “Ni wowe” na Nyakira”, indi Ijyanye no kwibuka yitwa “Dusohoze ikivi” yanakoranye n’ Abahanzi nka The Ben, Masamba, Aime Uwimana, Tonzi, Phiona Mbabazi, Didier Ntwali, Bahati Alphonse na Aron Nitunga izajya kuri album ye ya kabiri, ubu yamaze gushyira hanze indi ndirimbo yitwa “GARUKA”
