Urugaga rw’abatoza b’umupira w’amaguru mu Rwanda, rwanenze cyane ndetse runamagana bikomeye imyitwarire y’umuyobozi wa Musanze FC uherutse kwirukana umwe mu banyamuryango baryo, umukino utarangiye.
Ku Gicamunsi cyo kuri uyu wa Kabiri tariki ya 25 Gicurasi 2021, nibwo ibaruwa yamagana umuyobozi w’ikipe ya Musanze FC, TUYISHIME Placide uzwi nka Trump, yagiye ahagaragara aho bavuga ko bababajwe cyane n’imyitwarire babona nk’agasuzuguro, uyu mugabo yagaragarije umutoza Seninga innocent ubwo yorukanwaga ku munota wa 63′ w’umukino Musanze FC yatozaga yatsinzwemo na Gasogi utd ku cyumweru kuya 23 Gicurasi 2021.
Ni ibaruwa yasinywe n’umuyobozi w’iri shyirahamwe, Rwasamanzi Yves usanzwe utoza ikipe ya Marines FC.
Kwirukanwa k’umutoza mu umukino urimo kuba ni igikorwa mitad ukunze kuba ariko kibabaza benshi mu bakurikiranira umupira w’amaguru.
