Ku mugoroba wo kuriu uyu wa mbere tariki 08 Gicurasi 2023, nibwo ikipe y’ikigo cy’igihugu gishinzwe Ingufu, REG Volleyball Club, yahagurutse ku kibuga cy’indege mpuzamahanga cya Kigali yerekeza muri Tunisiya aho igiye gukina imikino ya Champions League ihuza amakipe yabaye aya mbere mu bihugu byayo.
Rwanda Energy Group Volleyball Club yahagurukanye abakinnyi 14 n’abatoza babo, aba bakaba bayobowe n’umuyobozi wayo akaba na Visi Perezida wayo wungirije ushinzwe amarushanwa muri Federasiyo y’umukino wa Volleyball mu Rwanda, Geoffrey Zawadi.
Ikipe ya REG VC yerekeje muri iyi mikino ya Champions League nyuma yo gutwara igikombe cya shampiyona y’u Rwanda 2022 yari ihanganiye na Gisagara VC, APR VC na FOREFRONT VC kuri ubu yabaye POLICE VC.
CAVB Club Championiship iratangira ku itariki ya 11 Gicurasi 2023 mu by’iciro bibiri harimo icy’Abagabo aricyo REG VC yitabiriye ndetse n’Abagore aho u Rwanda ruhagarariwe na APR WVC yo yerekeje muriTunisia ku wa gatanu ushize.
Iyi kipe ya APR WVC yo yari yagiye mbere ngo yitegure neza iyi mikino, ku mukino wa mbere iyi kipe yatsinze umukino yahuragamo na Tunis Air VC ikanayitsinda amasetio atatu ku busa, aha hari mu rwego rwo kwitegura gukina imikino yabo izatangira kuya 12 Gicurasi 2023.
