Mu ijoro ryi kuri uyu wa Gatandatu tariki ya 28 Gicurasi 2023 nibwo hasojwe irushanwa rya Basketball Africa League ryaberaga muri BK Aren, ni irushanwa ryatwawe na Al Ahly itsinze As Douane.
Uyu mukino wa nyuma wabereye mu nyubako ya BK Arena, wakurikiwe n’abanyacyubahiro batandukanye bayobowe na Perezida Paul Kagame na Madamu Jeannette Kagame.
Mubandi bitabiriye uyu mukino kandi hari umuyobozi w’impuzamashyirahamwe y’umupira w’amaguru muri Afurika, Patrice Motsepe.
Hari kandi umuyobozi wa Toronto Raptors, Masai Ujiri, umuyobozi wa BAL Amadou Fall, Victor Williams uyobora NBA Africa na Anibal Aurelio Manave uyobora FIBA Africa.
Ikipe ya Al Ahly yo mu Misiri ikaba yaraye itwaye igikombe cya BAL 2023 itsinze As Douane yo muri Senegal itsinze amanota 80 kuri 65.
Uyu mukino wa nyuma ukaba warabanjirijwe naho Perezida wa Repubulika Paul Kagame na Madamu Jeannette Kagame bakaba batashye ikibuga cy’umukino wa Basketball giherereye Kimironko.
Ni ikibuga cyubatswe ku bufatanye bw’ishyirahamwe ry’umukino w’intoki mu Rwanda, FERWABA n’umushinga wa Basketball Africa League ifitr gahunda yo kubaka ibibuga bitandukanye ku mugabane wa Afurika.
