Ibigarasha burya koko ni nk’isenene. Iyo uzifungiranye ziryana hagati yazo. Muri iyi week end ibigarasha Jean Paul Turayishimye na Serge Ndayizeye byumvikanye bishinjanya uruhare mu rupfu rwa Ben Rutabana waburiwe irengero muri Congo.
Byatangiye Jean Paul Turayishimye avuga uburyo Ben Rutabana yagambaniwe na Kayumba Nyamwasa asigaye nuko Serge Ndayizeye nawe yongezamo ko urupfu rwe rwabazwa Jean Paul Turayishimye.
Mu kiganiro kirenga isaha n’iminota 20, Jean Paul Turayishimye yasobanuye uburyo Rutabana yatotejwe na Kayumba Nyamwasa kuva 2018 ashaka kujya muri komite ya RNC ariko Kayumba akabirwanya kuko nkuko Turayishimye abyivugira harimo gushwana kubera amafaranga Rutabana ashaka kubihagarika.
Serge Ndayizeye umumotsi wa Kayumba Nyamwasa nawe yahise akora ikiganiro yemeza ko Rutabana yari afitanye ibibazo na RNC ariko biturutse kuri we kuko yashakaga gutandukira umurongo. Ni mugihe mushiki wa Rutabana Emerence we yemeza ko akiraho.
Jean Paul Turayishimye akomeje kwerekana ko yayobye gukurikira Kayumba Nyamwasa aho amwita igisambo umwicanyi n’ibindi. Jean Paul Turayishimye ni mwene Karama na Mukamusoni akaba yaravukiye Tanzania Ku italiki 6/08/1971, ariko akurira ahitwa Bwisha muri Nord Kivu. Yinjiye igisirikare cya RPA akaba afite numero ya AP 49346 yatorotse afite ipeti rya Sergeant. Yatorotse amaze kumenya ko hari iperereza riri kumukorwaho aho yaregwaga gukorana na Kayumba Nyamwasa wari Shebuja bityo akanamufasha gutoroka anyura i Bujumbura mu Burundi kugeza ageze muri Amerika.
Jean Paul Turayishimye nkumwe mu batangije RNC yagiye arangwa no kuba igikoresho cya Kayumba Nyamwasa nkuko byari bimeze kuva bagikorana mu Rwanda kuko niwe Kayumba yakoreshaga mu kwiba amasambu kugeza ku birombe by’imicanga. Muri RNC yakoreshweje mu kurema uduco twagiye dutera za grenade mu Rwanda muri 2013, ndetse no kurema umutwe wa gisirikare wa RNC aho by’umwihariko yarashinzwe kurema amatsinda muri Uganda.
Mubindi yabaye igikoresho muguharabika bamwe muri bagenzi be batumvikanaga na Shebuja Kayumba nka Rudasingwa, Ngarambe na Musonera ndetse no kubigizayo. Jean Paul kandi yahawe akazi kadasanzwe muri RNC bitaga « Dossier Diane Rwigara » aho yagombaga gufasha uyu mukobwa kwigumura ndetse no kubiba urwango mu nkambi z’abakongomani cyane cyane mu nkambi ya Kiziba.
Mu Kinyarwanda baca umugani ngo inkoni ikubise mukeba uyirenza urugo, iyo Jean Paul yakubitishije ba Rudasingwa, Musonera Ngarambe n’abandi abanenga ubusambo, ubugome no kutagira icyerekezo, ninayo Kayumba Nyamwasa yamukubitishije akoreseheje abantu nka Nayigiziki na Epimaque babuze iyo bagana
