Bamwe mu bapolisi bakuru muri Uganda banze gusinya amasezerano y’akazi bifuza kukivamo kubera kudahabwa agaciro.
Hari urutonde rw’abapolisi bakuru 28 banze gusinya bakaba bategereje ko amasezerano basinye arangira muri 2018.
Urwo rutonde ruriho abafite amapeti ya: Assistant Inspector General of police (AIGP), Senior Commissioners of police, (SCP)Commissioners of police (CPs) , Assistant Commissioners of police( ACPs) Senior Superintendents of police(SSP) ,Superintendents of police (SP) and Assistant Superintendents of police (ASPs).
Muri bo harimo AIGP Edward Ochom, ukuriye ubushakashatsi n’igenamigambi (Research and Planning), SCP Felix Ndyomugenyi, ukuriye abakozi (Human Resource and development), SCP Awita Lodovic, CP Gumisiriza Edson Nkehikira wo muri CIID, CP Patrick Isabirye, CP Samuel Luvuma, CP Robert Opio, CP Alfred Ongom, n’abandi.
Amakuru yatugezeho avuga ko abo ba ofisiye muri polisi ya Uganda bashaka kuva mu gipolisi kubera kutunvikana n’ubuyobozi butabaha agaciro.
Mu mezi atatu ashize, AIGP Elizabeth Muwanga wahoze ashinzwe imibereho myiza muri polisi ya Uganda nawe yanze kongera amasezerano y’akazi nyuma yo kwegerwa n’ibiro by’ukuriye polisi muri Uganda.
