• Ahabanza
  • Abo Turibo
  • Twandikire

RUSHYASHYA

Kandaho
  • Home
  • AMAKURU
    • Mu Rwanda
    • Mu Mahanga
  • POLITIKI
  • ITOHOZA
  • UBUKUNGU
  • IKORANABUHANGA
  • IMIKINO
  • SHOWBIZ
  • HIRYA NO HINO
  • MULTIMEDIA
    • Videwo
Inkuru zigezweho
  • BURUNDI: Urupfu rw’abarwanashyaka 31 ba CNDD-FDD i Busoni rwibajije byinshi ku mutekano w’abaturage n’inshingano z’ubuyobozi   |   18 Nov 2026

  • Perezida Paul Kagame yakurikiwe umukino ikipe y’igihugu ya Mali yatsindiyemo u Rwanda ibona itike ya CAN 2027   |   18 Nov 2026

  • Macron: Kwaguka kwa OIF bidusaba kubaka ubwumvikane kugira ngo tubungabunge ubumwe   |   16 Nov 2026

  • Cambodia: Perezida Kagame na Madamu Jeannette Kagame bahageze, bakirwa n’abayobozi batandukanye   |   12 Nov 2026

  • Karuranga John Vianney wasabwe gutera Gerenade mu Rwanda yambitse ubusa Abagome ataha mu Rwanda   |   11 Nov 2026

  • Jenoside ikomeje kwambika ubusa Interahamwe: Teganya Jean Léonard Yoherejwe na Amerika mu Rwanda   |   10 Nov 2026

 
You are at :Home»IMIKINO»Cristiano Ronaldo yabujije Portugal amahirwe akomeye, Espagne yigobotora Maroc bigoranye

Cristiano Ronaldo yabujije Portugal amahirwe akomeye, Espagne yigobotora Maroc bigoranye

Ubwanditsi 26 Jun 2018 IMIKINO

Espagne yigobotoye Maroc bigoranye naho Cristiano Ronaldo ahusha penaliti yari guha Portugal amahirwe yo kuyobora itsinda B kuri uyu wa Mbere mu mikino y’Igikombe cy’Isi kigeze ku munsi wa nyuma mu matsinda aho amakipe ari kurwana ku mahirwe yayo ya nyuma andi ahanganira kuzamuka muri 1/8 ari aya mbere.

Bitandukanye no mu mikino yabanje aho buri umwe wabaga ukwawo, mu rwego rwo kwirinda ko habaho amanyanga imikino yose y’umunsi wa nyuma muri buri tsinda yatangiye kubera isaha imwe.

Espagne itaragaragaza igitinyiro yari ifitiwe mbere y’irushanwa, yanganyije na Maroc bigoranye ibitego 2-2 kuri Kaliningrad Stadium imbere y’abafana 33,973 mu mukino watangiye saa 20 :00 kuri uyu wa Mbere tariki 24 Kamena.

Maroc yari itaratsinda umukino n’umwe, niyo yabanje gufungura amazamu ku munota wa 14 ku gitego cya Khalid Boutaib, cyishyurwa na Isco ku wa 19, Youssef En-Nesyri atsindira Maroc icya kabiri ku munota wa 81, umukino ugera ku munota wa 90 iyi kipe ya Afurika icyizeye intsinzi ariko mu nyongera icyishyurwa na Iago Aspas.

Ku rundi ruhande, Portugal yasabwaga gutsinda igahita iyobora itsinda B, yari ihanganye na Iran kuri Mordovia Arena maze Ricardo Quaresma ayitsindira igitego cya mbere ku munota wa 45 ibona na penaliti yari gutuma yizera intsinzi ku wa 53 gusa Cristiano arayihusha, ku munota wa nyuma Iran nayo ibona penaliti iterwa neza na Karim Ansarifard umukino urangira ari 1-1 bituma izamuka ari iya kabiri inyuma ya Espagne.

Mu itsinda A ari naryo ryabanje gukina saa 16 :00, umukino wari ukomeye wagombaga guhuza Uruguay n’u Burusiya, ibihugu byombi byari byaramaze kwizera itike ya 1/8 bikaba byishakagamo igomba kuriyobora.

Uruguay ikomeje kugaragaza imbaraga nyinshi muri iri rushanwa, yatsinze uyu mukino ku bitego bitatu ku busa harimo icya Luis Suarez ku munota wa 10, icyitsinzwe na Denis Cheryshev w’u Burusiya ku wa 23 n’icya Edinson Cavani ku wa 90 ariko u Burusiya bukaba bwakinnye ari abakinnyi 10 iminota hafi 54 kuko Igor Smolnikov yahawe ikarita itukura.

Mu gihe Uruguay yazamutse ifite amanota yose nta mukino n’umwe itsinzwe, u Burusiya bukaba ubwa kabiri, Misiri yananiwe no gutsinda Arabia Saudite ngo itahe ari iya gatatu.

Iyi kipe yari muri eshanu zaserukiye Afurika, niyo yabanje gufungura amazamu ku gitego cya Mohamed Salah ku munota wa 22 inagobokwa n’umunyezamu Essam El Hadary wakuyemo penaliti ya Arabia Saudite ku wa 41.

Amakosa y’abakinnyi ba Misiri yatumye Arabia Saudite ibona penaliti ya kabiri nyuma y’iminota itatu, iterwa neza na Salman Al-Faraj, umukino ugana ku musozo ku munota wa 90, Salem Al-Dawsari anatsinda igitego cya kabiri cyatumye Salah na bagenzi be bataha nabi.

Kuri uyu wa Kabiri saa 20 :00 hategerejwe cyane umukino uhuza Nigeria na Argentine zishakamo ikipe igomba kuzazamukana na Croatia, Messi na bagenzi be bageze ku mukino wa nyuma mu gikombe cy’Isi giheruka bakaba basabwa gutsinda uyu mukino kugira ngo bagire amanota ane mu gihe no kunganya byatuma Nigeria ikomeza.

Imikino itegerejwe kuri uyu wa Kabiri

-  Saa 16:00: Australia vs Peru
-  Saa 16:00: Denmark vs u Bufaransa
-  Saa 20:00: Iceland vs Croatia
-  Saa 20:00: Nigeria vs Argentina

Quaresma niwe wafunguye amazamu ku ruhande rwa Espagne

Ronaldo yahushije penaliti yari guhesha intsinzi ikipe ye ikazamuka mu itsinda ari iya mbere

Uyu musore yateye ishoti rikomeye ku buryo umuzamu wa Iran yayobewe uko bigenze

Cristiano yishimana na Quaresma nyuma yo gufungura amazamu

Mu minota ya nyuma, Iran yabonye penaliti ndetse irayinjiza birangira ari igitego kimwe kuri kimwe

2018-06-26
Ubwanditsi

IZINDI NKURU

Rayon Sports, Musanze, Police FC na As Kigali zatangiranye intsinzi ku munsi wa mbere wa RPL 2023/2024 – Ibyawuranze

Rayon Sports, Musanze, Police FC na As Kigali zatangiranye intsinzi ku munsi wa mbere wa RPL 2023/2024 – Ibyawuranze

Ubwanditsi 22 Aug 2023
CHAN 2016: Cameroun yabimburiye izindi kipe kugera mu Rwanda

CHAN 2016: Cameroun yabimburiye izindi kipe kugera mu Rwanda

Ubwanditsi 05 Jan 2016
Bigirimana Abedi yerekanywe nk’umukinnyi mushya wa Rayon Sports

Bigirimana Abedi yerekanywe nk’umukinnyi mushya wa Rayon Sports

Ubwanditsi 26 Jul 2025
Apotre Gitwaza yashyize hanze amashusho y’indirimbo ye ya mbere ‘Mana kiza bene wacu’ arimo Kanyombya

Apotre Gitwaza yashyize hanze amashusho y’indirimbo ye ya mbere ‘Mana kiza bene wacu’ arimo Kanyombya

Ubwanditsi 03 Dec 2016

Leave a Reply Cancel reply

Your email address will not be published. Required fields are marked *

IZO TWAGUHITIYEMO

Minisitiri Mushikiwabo yakuye  igihu ku bivugwa ku kibazo cya Ambasaderi Richard Gasana
ITOHOZA

Minisitiri Mushikiwabo yakuye igihu ku bivugwa ku kibazo cya Ambasaderi Richard Gasana

Ubwanditsi 08 Oct 2016
Uganda n’Umubiligi Filip Reyntjens basabaga u Bubiligi guhagarika inkunga butera u Rwanda, basebye ubwo ibihugu byombi byasinyanaga amasezerano y’ubufatanye
Amakuru

Uganda n’Umubiligi Filip Reyntjens basabaga u Bubiligi guhagarika inkunga butera u Rwanda, basebye ubwo ibihugu byombi byasinyanaga amasezerano y’ubufatanye

Ubwanditsi 14 Aug 2021
Perezida Kagame aratanga ikiganiro ku guha umutekano abatuye Isi
INKURU NYAMUKURU

Perezida Kagame aratanga ikiganiro ku guha umutekano abatuye Isi

Ubwanditsi 18 Feb 2018

AKA RUSHYASHYA

KWAMAMAZA

HIRYA NO HINO

Nyuma y’imyaka 23 akinira ikipe y’igihugu ya Portugal, Umunyabigwi Cristiano Ronaldo yayisezeye

Nyuma y’imyaka 23 akinira ikipe y’igihugu ya Portugal, Umunyabigwi Cristiano Ronaldo yayisezeye

05 Nov 2026
Zabyaye amahari hagati ya Leta ya Congo na FC Barcelona: Amasezerano ya Miliyoni 43 z’Amayero ahagaritswe kubera komisiyo ya Miliyoni4.3 z’Amayero

Zabyaye amahari hagati ya Leta ya Congo na FC Barcelona: Amasezerano ya Miliyoni 43 z’Amayero ahagaritswe kubera komisiyo ya Miliyoni4.3 z’Amayero

28 Sep 2026
Ibisa birasabirana, noneho Kayumba Nyamwasa yisunze Abanyamulenge baguzwe na Tshisekedi ngo bagambanire benewabo

Ibisa birasabirana, noneho Kayumba Nyamwasa yisunze Abanyamulenge baguzwe na Tshisekedi ngo bagambanire benewabo

23 Sep 2026
Mu rwego rwo Guhirika Ubutegetsi, Ingabire Umuhoza Victoire ngo yari afite inshingano yo gushaka abantu bagera ku 5000 bagombaga kujya mu mihanda kwigaragambya, bagatera ingabo mu bitugu abagombaga guhirika ubutegetsi.

Mu rwego rwo Guhirika Ubutegetsi, Ingabire Umuhoza Victoire ngo yari afite inshingano yo gushaka abantu bagera ku 5000 bagombaga kujya mu mihanda kwigaragambya, bagatera ingabo mu bitugu abagombaga guhirika ubutegetsi.

22 Sep 2026
Ibyabapfu biribwa n’abapfumu; uburyo Thomas Nahimana akomeje kurya imitsi ibigarasha birangaye

Ibyabapfu biribwa n’abapfumu; uburyo Thomas Nahimana akomeje kurya imitsi ibigarasha birangaye

14 Sep 2026
Eugène Ntambara yakatiwe burundu n’ubutabera bw’u Buholandi kubera uruhare muri Jenoside yakorewe Abatutsi

Eugène Ntambara yakatiwe burundu n’ubutabera bw’u Buholandi kubera uruhare muri Jenoside yakorewe Abatutsi

31 Aug 2026
Polisi y’u Rwanda Irakangurira Abanyatubari kongera gusubira ku muco wo gufunga bakurikije amasaha yagenwe

Polisi y’u Rwanda Irakangurira Abanyatubari kongera gusubira ku muco wo gufunga bakurikije amasaha yagenwe

05 Aug 2026

KWAMAMAZA

Kandaho

KWAMAMAZA

KWAMAMAZA

KWAMAMAZA

Rushyashya
Rushyashya ni Ikinyamakuru cya Sosiyete Ebenezer Media Group ltd, cyatangiye gukora mu mwaka w'2000. Kugeza ubu dukorera ku imigabane yose y'isi.

CONTACTS


P.O Box: 4305 Kigali-Rwanda
Emails: info@rushyashya.net , rushyashyanewsofficial@gmail.com

- Abo Turibo
- Twandikire
- Kwamamaza

Iyandikishe ujye ubona Amakuru

DUKURIKIRE

© Copyright 2019, All Rights Reserved
Rushyashya - Amakuru