Ubwo habaga tombola ya 1/4 cy’irangiza cy’imikino Nyafurika ku makipe yabaye aya mbere mu bihugu iwacu, CAF Champions League yagaragaje ko ikipe ya Al Ahly yo mu misiri izahura na Raja SC yo muri Maroc.
Ni tombola yabaye ku mugoroba wo kuri uyu wa kabiri tariki ya 4 Mata 2022, iyi ikaba yabaye mu byiciro byombi by’amarushanwa ya Afurika ariyo CAF Champions League ndetse na Confederations Cup.
Mu makipe azakina kimwe cya Kane cya CAF Confederations Cup, yasize ikipe ya Simba SC yo mu gihugu cya Tanzania izahura an Orlando Pirates yo muri Afurika y’Epfo naho TP Mazembe yo muri Kongo Kinshasa yo izahura na Pyramids yo mu Misiri.
Biteganyijwe ko imikino ibanza ya 1/4 cya CAF Champions League izakinwa ku itariki ya 15 na 16 Mata 2022, naho iyo kwishyura ikazakinwa ku ya 23 na 24 Mata 2022.
Ku mukino ibanza ya CAF Confederations Cup, izakinwa kuya 17 Mata 2022 naho iyo kwishyura izakinwe kuya 24 Mata 2022.
