Perezida wa Repubulika Paul Kagame yakurikiye umukino Amavubi yatsinzemo Liberia ibitego 3-1, mu mukino wa mbere wo gushaka itike y’Igikombe cya Afurika cya 2027.
Uyu mukino wabereye kuri Stade Amahoro i Kigali kuri uyu wa Gatanu, tariki ya 25 Nzeri 2026, aho Perezida Kagame yari mu banyacyubahiro bakurikiye uko Amavubi atangira urugendo rwo gushaka itike y’iri rushanwa rizabera muri Kenya, Tanzania na Uganda.
Amavubi yatangiye umukino mu buryo bwihuse, atsinda igitego cya mbere ku munota wa 2, gitsinzwe na Abeddy Biramahire, ku mupira yahawe na Leroy-Jacques Mickels.
U Rwanda rwakomeje kuyobora umukino, maze ku munota wa 33, Leroy-Jacques Mickels atsinda igitego cya kabiri, cyongerera Amavubi icyizere.
Liberia yabonye igitego kimwe ku munota wa 38, gitsinzwe na Sylvanus Nimely, maze amakipe ajya kuruhuka u Rwanda ruyoboye umukino.
Mbere y’uko umukino urangira, ubwo hari ku munota wa 43 w’umukino Amavubi yabonye penaliti maze iterwa neza na Joy Lance Mickels 43, bityo amakipe yombi ajya kuruhuka ari ibitego bitatu kuri kimwe.
Mu gice cya kabiri, Amavubi yakomeje gushaka uko yakomeza ikinyuranyo cy’ibitego, maze amaherezo umukino urangira u Rwanda rutsinze 3-1.
Iyi ntsinzi yahaye u Rwanda amanota atatu ya mbere mu itsinda K mu rugendo rwo gushaka itike ya AFCON 2027.
Perezida Kagame yakurikiranye uyu mukino ari kuri Stade Amahoro, ahari abafana benshi bari baje gushyigikira ikipe y’igihugu.
U Rwanda 3-1 Liberia: Amavubi atangije urugendo rwo gushaka itike ya AFCON 2027 intsinzi imbere y’abafana bayo.
