Burundi : Umunyarwandakazi  Uwimana Florence afungiwe  mu kasho mu Ntara ya Gitega ashinjwa ubutasi

Amakuru aturuka I Burundi aravuga ko  umunyarwandakazi witwa Uwimana Florence afungiwe mu kasho ko ku Ndava muri  Komini  Ryansoro ni mu Ntara ya Gitega, ahamaze  ibyumweru bitatu birenga,  amakuru y’uyu mugore avuga ko  amaze  mu Burundi imyaka irenga 15, akaba  yarashakanye n’umugabo w’umunyaryansoro.

Mayor wa Komini [ Musitanteri] wa  Komini  Ryansoro Ndayisenga Seconde akaba yategetse ko bamufata bakajya ku mufunga  ashinjwa kuba intasi y’u Rwanda, biravugwa ko ashobora kugirirwa nabi n’urwego rw’ubutasi mu Burundi [documentation]  nyuma y’amakuru avuga ko  uru rwego  rw’umutekano mu Burundi  ruri  gushaka uko   rwamusubiza  mu Rwanda  ku ngufu  nyuma  yo gukorerwa iyica rubuzo.

Itohoza rya Rushyashya rigaragaza ko uyu mugore ntacyaha na kimwe afite kugeza ubu  uretse gusa kuzira ko ari  umunyarwandakazi washatse mu Burundi, umuryango we ukaba utabaza  kugirango  ntagirirwe nabi  kandi abayeho mu buzima bubi cyane.