Kuri uyu wa Gatandatu tariki ya 20 Gicurasi 2023 nibwo amakipe abiri yo mu kiciro cya kabiri mu shampiyina y’u Rwanda yabonye itike yo gukina ikiciro cya mbere 2023-2024, ayo ni Etoile de l’Est na Amagaju FC.
Mu mikino isoza yakinwe, ikipe y’Amagaju FC yatsinze Etoile de l’Est igitego kimwe ku busa naho ikipe ya Vision FC yo yanganyije na Gicumbi FC igitego kimwe kuri kimwe.
Aya makipe yombi yabonye itike yo kuzamuka nyuma y’imikino itanu yakinwe kuri buri kipe, iyi mikino ikaba yarangiye Etoile de l’Est iyoboye n’amanota 10 izigamye ibitego 3 naho Amagaju FC ikaba ntagitego izigamye.
Kuba iya mbere mumuri iri rushanwa ritoya ryahuje aya makipe, Etoile de l’Est yatsindiye kugaruka mu Cyiciro cya Mbere yaherukaga mu mwaka w’imikino wa 2021-2022.
Ikipe y’Amagaju FC yazamutse mu Cyiciro cya Mbere yaherukagamo mu mwaka w’imikino wa 2018/19.
Etoile de l’Est yo mu ntara y’i Burasirazuba mu karere ka Ngoma, yashyikirijwe igikombe na Perezida w’ishyirahamwe ry’umupira w’amaguru w’agateganyo, Bwana Habyarimana Marcel Matiku.
