Ku mugoroba wo kuri uyu wa Gatatu tariki ya 6 Nyakanga 2022, nibwo ubuyobozi bw’ikipe ya Gaosogi United bwasezeye k’umukinnyi wayo wo hagati Herron Berian Scarla wari umaze gusoza amasezerano y’imyaka itatu bari bamaranye.
Ni igikorwa cyitabiriwe na bamwe mu bayobozi b’ikipe, abakinnyi bari basanzwe bakinana, bakaba bamusezeyeho nyuma y’igihe cy’imyaka itatu yari amaze akinira iyi kipe, ni ukuvuga ko uyu mukinnyi yari yarageze muri Gasogi United mu mwaka w’imikino wa 2019-2020.
Herron Berian Scarla ukomoka muri Liberia yageze muri Gasogi United avuye mu ikipe ya Kiyovu SC, akigera muri Gasogi United yahise ahabwa nimero 5 akaba ariyo yambaraga kuva ayigezemo.
Mu rwego rwo ku muha icyubahiro ndetse no gushima akazi yakoreye iyi kipe, ubuyobozi bw’iyi kipe bwafashe umwanzuro w’uko iyi nimero yari asanzwe yamabara igiye kubikwa mu gihe cy’imyaka itatu ntawundi mukinnyi ni umwe izahabwa.
Herron akigera muri Gasogi United yafashije iyi kipe gusoza ku mwanya wa 9 n’amanota 29 mu mikino 23 yari imaze gukina dore ko itari yarangiye kubera Koronavirusi, mu mwaka wakurikiyeho yasoje ku mwanya 2 mu makipe 8 yashoboraga kuba yamanuka.
Mu mwaka wa nyuma w’uyu munya Liberia, Herron Berian Scarla yafashije iyi kipe gusoreza ku mwanya wa 11 n’amanota 34.
Nubwo iyi kipe yatandukanye na Herron, binyuze kuri Twitter batangaje ko batazakomezanya na Nsengiyumva Mustafa wamaze kwerekeza muri Bugesera FC ndetse n’umunyezamu Mfashingabo Didier nawe yamaze gutandukana na Gasogi United.
