Amakuru aturuka muri RNC Ishaje, aravuga ko Gen. Kayumba Nyamwasa yasabye imbabazi Condo Gervais ku magambo aherutse kuvuga amwita « Umuteruzi w’ibibindi » amagambo yarakaje bikomeye Gervais Condo bituma yivumbura ava muri RNC Ishaje.
Munama yabereye i Bruxelle mu Bubiligi Gervais Condo yari yasezeye avuga ko bamusuzuguye bamwita umuteruzi w’ibibindi, avuga ko agiye gushinga igice cya gatatu cya RNC, kitavuga rumwe na Kayumba ndetse na Rudasingwa, akaba agiye guhangana nabo afatanyije n’abahutu be yari yajyanye muri RNC abakuye muri FDU-Inkingi ya Ingabire Victoire.
Ayo makuru avuga ko Micombero Jean Marie nk’umuhuzabikorwa mukuru wa RNC ishaje, ariwe uri ku isonga mu guteranya Condo na Kayumba nkuko yabikoze kuri Murayi, DFU n’abandi …. akaba ngo ari umuntu uzi guteranya cyane akaba adashaka ko Condo agaruka niko kuvuga « ngo nashaka agende n’abahutu be ».
Kayumba Nyamwasa, gusaba imbabazi
Ariko Gen. Kayumba we ntashaka ko Gervais Condo agenda aka natwara n’abahutu be ngo nibo batanga Cotisation cyane muri RNC.
Umunyarwanda uba i Bruxelle yabwiye Rushyashya ati : Kayumba ntiyatakaza Condo na bene wabo kuko aribo batwara ama busi hano i burayi, akaba aribo ba Taximan naba Motari,bityo bakabona ayo batanga, baziko ari ayo kurwanya Leta y’u Rwanda.
Amakuru yatugezeho avuga ko Kayumba yohereje abantu bo kujya gucyura Condo, ngo ntibazongera kumwikoreza ibibindi, uyu waduhaye aya makuru yagize ati : “Bariho baramwinginga ngo agaruke n’abahutu be, ariko ashobora kutabemerera”.
Undi ati biracika muri RNC ishaje abantu ba Condo batangiye kuyivamo nk’inzuki ziva mu muzinga, kandi nyirabayazana ni Micombero, udurumbanya ibintu mu nyungu ze bwite, ari nayo mpamvu yavuye mu Rwanda yananiranywe n’abamukuriye.
Micombero JM, inkoramutima ya Kayumba ngo ntashaka ko Condo agaruka
Gervais Condo, Umuteruzi w’ibibindi
Ikindi gice kitavuga rumwe na Kayumba kirimo Rudasingwa, Musonera na Ngarambe kiti : « Nibareke Condo agende ngo n’ubwo babeshyeye Perezida Kagame byinshi ngo ntiyanga abahutu nka Kayumba ngo nibamujye inyuma nibagera i Kigali azabereka » -Aya ni amagambo ya Musonera.
Musonera Jonathan NEW-RNC
Condo yahoze muri CDR mu Rwanda, aza guhungira muri Congo aba muri ALIR we na Ingabire Victoire nyuma baje gushinga FDU-Inkingi, Micombero arabasenya Condo ajyana na ndahayo, Condo aza kwifatanya nabo muri RNC, Ndahayo aranga asigara wenyine nubwo yari amaze kwitandukanya na Ingabire,ariko yanga kujya muri RNC yitaga iy’Abatutsi.
Condo akaba amaze iminsi yarahukanye na RNC ishaje, avuga ko arambiwe guhozwa kunkeke no gukomeza gukandagirwa n’agatsiko k’abatusti ba Kayumba.
Condo yari amaze iminsi atongana bikomeye na Rudasingwa Theogene, ariko ibyo byose Micombero ngo ntabihe agaciro.
Ngayo amacakubiri y’amako yuzuye muri RNC, imvugo y’abahutu n’abatutsi niyo ikoreshwa. Ngiyo Demokarasi ishyaka ritavuga rumwe na FPR, rishaka kuzana mu Rwanda 2017 .
Cyiza Davidson
