Umukandida Perezida ku itike ya Republican Party, Donald Trump, akomeje kugabanya icyuho cy’amajwi umukandida wa Democratic Party, Hillary Clinton, yamurushaga.
Amakuru yashyizwe ahagaragara uyu munsi agaragaza ubushakashatsi bwa Fox News yerekana yuko Clinon afite amajwi 48 % naho Trump akagira 42 %. Ibi bivuze yuko Clinton Arusha Trump amajwi angana na 6 %, nyamara mu bushakashatsi nk’ubwo bwakozwe n’iki kigo mu ntangiriro z’uku kwezi gushize Hillary Clinton yarushagaho Donald Trump amajwi angana na 10 % !
Ayo majwi ariko na n’ubu agaragara yuko Clinton arushaho Trump (6%) ageraho utabariyemo ay’abandi bakandi n’ubwo nta mahirwe na make bafite yo kuba batsinda amatora. Umukandida wigenga, Libertarian Gary Johhnson afite 9 % naho uw’ishyaka Green Party, Jill Stein, akagira 3 %. Ibi bikaba bivuze yuko muby’ukuri Clinton Arusha Trump amajwi angana na 2 % gusa !
Umukandida Perezida ku itike ya Republican Party, Donald Trump
Uku kuzamuka kwa Trump mu majwi kuje gukurikira umubonano utunguranye yagiranye uyu munsi na Perezida wa Mexico, igihugu gifite abimukira benshi Trump yavugaga yuko azirukana muri Amerika !
Kayumba Casmiry
![Rwanda -Uganda : Intambara zo muri Congo-Kisangani [ Igice 4 ]](https://rushyashya.net/wp-content/uploads/2019/05/kazini-5-360x240.jpg "Rwanda -Uganda : Intambara zo muri Congo-Kisangani [ Igice 4 ]")