Uko Inkende Yurira Igiti Niko Igaragaza Akabuno Kayo

Baca umugani mu gifaransa ngo “ Plus le singe s’élève, plus il montre son cul pelé  “ ngo uko Inkende yurira igiti niko igaragaza akabuno kayo.

Kayumba Nyamwasa  wahoze ari Jenerali mu ngabo z’u Rwanda  ubu akaba ashakishwa n’inkiko ni  umuyobozi wa RNC : Ise Senumuha Ferediriyani yari umukiga w’i Byumba, ubwo Abatutsi bahungaga ubwicanyi bwa Kayibanda na Parmehutu 1959, yagiye ateruye inka z’Abatutsi bahungira muri Uganda, agumayo atyo mu buryo bwo gupagasa ndetse aza no kubona akazi ko gucukura za gasegeriti z’abazungu. Yitabye Imana muri Mata 2018, aguye mu gihugu cya Uganda aho yaratuye.

Umuhungu we Kayumba Nyamwasa yavukiye muri Uganda, ari naho yize nyuma aba umwe mu nyeshyamba zafashije Perezida Museveni gukura Militon Obote ku butegetsi.

Muw’1985, amezi atatu gusa ageze mu ngabo za Uganda, Kayumba Nyamwasa yahawe kujyana agahunga k’abasivili ahitwa Mutuga, igice cyo mu karere ka Arua, mu majyaruguru ya Uganda. Kayumba ntiyaretse agahunga kagera iyo kajya, yashutse abo bari kumwe bagurisha ibyo biribwa mu nzira.

Nyuma y’uko Komanda wa Batayo ya 7 abimenye icyo gihe yari Lt Col Matayo Kyaligonza yemeje ko amuhana n’abandi bakareberaho. Icyatumye ariko bikomera ni uko Kayumba atari ubwa mbere anyereza ibigenewe abantu benshi ku nyungu ze bwite. Nkuko bimeze muri iki gihe.

Amakuru dukesha abantu bakuze babaye muri Uganda, avuga ko Matayo Kyaligonza ni Brigadier General ndetse akaba yarabaye n’ ambasaderi wa Uganda I Burundi, yabwiye bamwe mu banyarwanda ko ibi bitamutangaje cyane ubwo Kayumba yajyanwaga mu rukiko rwa gisilikare aregwa ibyaha bitandukanye.

Lt Col Matayo Kyaligonza yabonye amakuru yose, ko Kayumba yavanye Kawunga Matugo akajya kukagurisha Garamba, ngiyo ingeso ya Kayumba n’uko yabaye umusahuzi igihe yari afite imyanya ikomeye mu Rwanda, ariko akajya kugurisha inka z’abagogwe muri Uganda yari akuye mu bigogwe mu gihe cy’abacengezi. Kwica bamwe mu bacuruzi bari basangiye business [ Bayingana Victor n’umugore Antoinette Kagaju bari nyiri Prince House ]  n’ibindi..byinshi tutavuze.

Nguwo Kayumba wirirwa abeshya Abanyamulenge n’abandi batazi iryo bagana ! Ngo ni umuntu ukunda amahoro ushaka kuzana demokarasi mu Rwanda ! Ese ni uwuhe mu demokarate muzi ugurisha ibyo abaturage bakeneye, ni mudemokarate ki wica abo bakorana ubucuruzi ?… ninde mudemokarate muzi ushinga udutsiko two kwiba iby’abaturage, ninde muntu ukunda amahoro muzi ushinga imitwe ya gisilikare n’ udutsiko dutera za grenade mu baturage, wica abaturge.

Kayumba yahemukiye umuryango RPF-Inkotanyi na Perezida Kagame wamugize icyo aricyo amuha inshingano yatesheje agaciro. Muribuka ariko Kayumba ahunga igihugu igikuba cyacitse mu banyarwanda bati ajyanye amabanga menshi ! Byabujije se igihugu gutera imbere, Col. Karegeya bati yari maneko ukomeye ajyanye amabanga, turashize, byamubujije se kugwa mu maguru ya Maraya. Ubutekamutwe bwa Kayumba no kwikunda bumugejeje n’aho asigaye abeshya abatamuzi  akabaroha mu kaga, abo yashutse gutata u Rwanda, baciye za  Uganda na Tanazia abo barihe ? abenshi barafunze.

Umwe mu banyamulenge wiyise  lumumba shi,  aherutse kwandikira Rushyashya, agira ati :  Muraho ? Mu mbabarire mbanze mbasabe ko mudatangaza iyi nyandiko yanjye bitangiraho ingaruka . [ Aha ariko nagirango mwibutse ko itangazamakuru tutagira amabanga duhisha ].

Nasomye inkuru mwandika kuri Kayumba ndihirika ndaseka. Ariko ndanababara.

Uziko muganira ?!! Ninde Munyamulenge wajya  inyuma ya Kayumba kweli?!!!  Uziko mugeraho mukadushinyagurira! Muratuziza ibiki kweli?

Kayumba  ni nka ya …y’umurizo,  itakigira amenyo , itanibuka uko bamoka itunzwe nimisanzu yiba abahutu yifatiye.

Mbabwije ukuri ko muri kiriya kigare cyabasinzi n’abasambanyi ngo ni RNC, naho uhasigaye amwemera ari cya kigurube cy’ ibizuru bibi ngo Serije, umokera ku Itahuka. Ahubwo mbahishurire  mujye muvuga Micombero! Nimucunge murebe ko atazamukorera coup vuba aha.   Ejo  na ya vuvuzeka ngo ni ikondera ry’abahutu yamuvugirije induru uwo Kayumba none ya hise ajya mugitanda ngo Kigali iramwishe!!! Ubwo murumva uwo mu Jenerali,ufite ingabo mu Minembwe muhaye mushinja abanyamulenge kweli ? Nimwikosore muratubeshyera. Ibyo muradutuka kandi ntacyo dupfa.  Ahubwo muzanamubwire atahe, iyo Kigali yahunze niyo yonyine isigaye imwubaha! ( Na Serije we bien sur). Mureke kumwitirira abanyamulenge , ibyo ndabyanze rwose.

Ngiyo ya Nkende rero twavuze haruguru yerekanye akabuno kayo no mu Minembwe baramwamagana, Kayumba  kubera ubusambo bwe yageze naho ashwana na bagenzi be mu buhungiro bamufashije gushinga  RNC, Rudasingwa Theogene na mwenenyina Gahima Gerard bamukurikiye buhumyi ! Kayumba ubwo yari muri RDF, yakoreraga inda ye agambanira ubuyobozi  bwamushyizeho , arema udutsiko  mu ngabo rwihishwa we na bagenzi be bafatanije guhungabanya umutekano w’u Rwanda bari muri Uganda. Abo bamwe muribo nka Rugema Kayumba n’abandi..  n’ubu ibaracyahunahuna muri  iki gihugu nkuko Minisitiri w’ingabo Gen.James Kabarebe yabivuze ubwo yagezaga impanuro ku ntore z’Imbaturabukungu zari gutorezwa mu karere ka Nyagatare kuva ku wa 17 Kamena kuzageza kuri 23 Kamena 2018.  Aho yababwiye ko ibihugu bituranye n’u Rwanda birimo u Burundi, DR Congo na Uganda ahanini nta kizima byifuriza u Rwanda.

Ahubwo bihora bifite ishyari ry’aho igihugu kimaze kugera n’uburyo abanyagihugu batekanye kandi bari gutera imbere Gen. Kabarebe yatanze urugero ku banyarwanda birirwa bakubitwa, bagafungwa abandi bakicirwa muri Uganda avuga ko impamvu ibyo byose biba ari uko iki gihugu gifitiye ishyari u Rwannda, asaba abikorera kubaka igihugu cyabo aho kujya birukira muri Uganda kandi ntan’ibyiza baronkayo biruta ibiri iwabo mu Rwanda.

Agaya bamwe mu banyarwanda batumva Ati “Reba u Bugande uko bumeze buri munsi mwirirwa mujyayo babafata bafunga, bakubita bacunaguza, buri munsi barakubise barakubiiise ariko ntimwumva. Barahondagura buri munsi bagakubita bagacunaguza abanyarwanda impunzi mudushakaho iki? Bamwe ubu ambasade yacu nta kintu igikora, ambasade yacu muri Uganda icyo ikora ni ukwirirwa ishaka abanyarwanda bafashwe, bafunzwe, bakubiswe…”

Yakomeje agira ati “Muhunahuna Uganda, muhunahunayo mushaka iki? Mwakubatse igihugu cyanyu. murinda kujya gukubitirwa hariya mushakayo iki? Uganda ko twayivuyemo, ko twayibayemo twayihunzemo tugatanga amaraso yacu tukabohora igihugu cyanyu nabo bakaza hano!”

Gen. Kabarebe yatanze urugero ku banyarwanda birirwa bakubitirwa, bagafungwa abandi bakicirwa muri Uganda avuga ko impamvu ibyo byose biba ari uko iki gihugu gifitiye ishyari u Rwannda, asaba abikorera kubaka igihugu cyabo aho kujya birukira muri Uganda kandi ntan’ibyiza baronkayo biruta ibiri iwabo mu Rwanda.