Umufasha wa Ntakirutinka Charles, Floride Mukarugambwa yitabye Imana muri iki cyumweru tariki ya 25 Nzeri 2016 i Bruseli mu Bubirigi aho yari yaragiye kwivuza. Mme Floride Mukarugambwa yitabye Imana ku myaka 60.
Ntakirukinka Charĺes ni umwe mu banyapolitiki wabaye mu myanya y’ubuyobozi bw’iki gihugu ku itike y’ishyaka PSD, akaba yari n’umwe mu bayobozi bakuru ba PSD.
Nyuma yaje gukurwaho ikizere n’inteko ishingamategeko yari iyobowe na Joseph Sebarenzi Kabuye, kubera kwijandika mu bibazo by’Uzabumwana na JDNS Traiding.
Ntakirutinka yaje kuva muri PSD, ashinga ishyaka Ubuyanja afatanije na Bizimungu Pasteur , bakaba bombi baraje guhamwa n’inkiko icyaha cyo kwigomeka k’ubuyobozi.
Ntakirutinka yaje gufungwa imyaka icumi azira kuba yarashakaga guhungabanya umutekano w’igihugu akoresheje ishyaka ritemewe.
Charles Ntakirutinka n’umufasha we witabye Imana
Kuva yarangiza igihano yakomeje kuguma iwe kuko kuva ubwo kugeza n’ubu ntawongeye kumukubita ijisho .
Umwanditsi wacu
