Umunyarwanda Areruya Joseph ukina mu ikipe ya Dimension Data yegukanye Tour du Rwanda 2017, akaba abaye umunyarwanda wa gatatu uyegukanye, nyuma ya Valens Ndayisenga na Jean Bosco Nsengimana.
Ndayisenga Valens kwegukana aka gace bikaba bivuze ko ahise ashyikira Eyob Metkel mu bakinnyi bamaze gutwara uduce twinshi twa Tour du Rwanda mu mateka yayo aho buri umwe yegukanye dutanu.
Areruya Joseph akaba ashoboye kwegukana iri siganwa abifashijwemo ahanini n’ikipe ye ya Dimension Data yari ikomeye cyane uyu mwaka nk’uko byagaragaraga, akaba yakurikiwe na Eyob Metkel bakinana wari wegukanye uyu mwanya umwaka ushize.
Ikipe ya Dimension Data ni yo ifashe umwanya wa mbere mu makipe 15 yitabiriye isiganwa ry’uyu mwaka, mu gihe Mebrahtom Natnael wo muri Eritrea ari we wegukanye igihembo cy’uwazamutse kurusha abandi.
Dore uko basoje bakurikirana ku gace ka nyuma ka Tour du Rwanda
1- NDAYISENGA V. (TIR)
2- EBRAHIM R. (ETH)
3- PIPER C. (ILU)
4- HOLLER N. (BAI)
5- EYOB M. (DDC)
Urutonde rusange ku munsi wa nyuma wa Tour du Rwanda ni uru
1- ARERUYA J. (DDC);
2- EYOB M. (DDC);
3- KANGANGI S. (BAI)
4- NSENGIMANA J. (RWA);
5- BYUKUSENGE P. (RWA)
Inkuru ya Mutabazi Fils
