Umuhanzi wo mu gihugu cya Uganda Eddy Kenzo yatangiye gukora imyitozo ikomeye ngo abe yakongera gukina umupira w’amaguru yakundaga kuva kera akiri muto.
Nyuma yo kugaragaza impano yo kuririmba binyuze mu ndirimbo zakunzwe nka Stamina, Sitya Loss n’izindi , umuhanzi Eddy kenzo yagaragaje indi mpano yo gukina umupira w’amaguru.
Eddy Kenzo yatangaje ko ari gukora imyitozo myinshi mu gihe atari mu kazi ke k’umuziki kugira ngo abashe kugaruka ku murongo nk’uwo yari ari ho atarareka gukina.
Yagize ati “ Ubu mu gihe ntari muri studio cyangwa se ngo mbe ndi mu ngendo zange zo kuririmba ahantu hatandukanye, mba ndi mu kibuga.”
Kuri ubu Eddy Kenzo ari gukorera imyitozo mu ikipe ya SC Villa n’indi ikinira mu mujyi wa Masaka zose akaba yaraziciyemo mbere yo kujya mu muziki.
Eddy Kenzo ni umwe mu bahanzi bakunzwe cyane muri Uganda akaba anaheruka gutwara igihembo cya BET Awards.
M.Fils
