Ku mukino wa ¼ wa FA(Football Association) wabaye kuri uyu wa 18 Werurwe, wahuje ikipe ya Chelsea na Leicester City, iminota 90 yarangiye amakipe yombi anganya biba ngombwa ngo bongeraho iminota 30(Extra time) birangira Leicester bayisezereye.
Ni amakipe yatangiye yose ashaka ibitego ariko byasabye iminota 42 ngo Alvaro Morata wa Chelsea afungure izamu rya Leicester City. Iyi kipe na yo yakoze iyo bwabaga ishakisha amahirwe yose yabonamo igitego. Ku munota wa 76, Jamie Vardy yaje kwishyura, amakipe yombi anganya igitego kimwe kuri kimwe.
Aya makipe yashakishishe uburyo bushoboka bwo gutsinda mu minota 90 ariko ntibyayahira. Umukino warangiye amakipe anganya biba ngombwa ko umusifuzi yongeraho iminota 30. Pedro Rodriguez, ku munota w’105 yabonye igitego cy’insinzi cyanatumye Chelsea ikomeza muri ½ cy’irushanwa.
