Umuhanzi nyarwanda mu njyana ya Afrobeat Nzaramba Eric uzwi nka Eric Senderi yashyize hanze indirimbo ikubiyemo ubutumwa yageneye abakunzi be bugaruka ku kubibutsa ko abakumbuye ababaza aho baherereye.
Muri ndirimbo yise “Muri hehe”, Senderi Hit yadutangarije ko yanditse iyi ndirimbo igaruka ku rukumbuzi afitiye abakunzi be.
Senderi yagize ati “Iyi ndirimbo igaruka ku rukumbuzi mfitiye abafana banjye, uburyo mbakumbuye kuko mperuka nabo mbere ya Corona , Nkahamagara buri ntara n’umujyi ndetse nabo mu mahanga, inshuti z’u Rwanda mbabaza nti muri hehe ko mbakumbuye”.
“Ngaruka kandi no ku iterambere igihugu cyacu kimaze kugeraho mu bikorwaremezo ndetse no mu bindi”.
Uyu muhanzi kandi yatubwiyeko kuri ubu yashyize hanze iyi ndirimbo mu buryo bw’amajwi bitewe n’uko ntabushobozi yari afite, avuga kandi ko mu gihe azabona ubushobozi azahita akora amashusho yayo.
Aheruka gushyira hanze izindi ndirimbo zirimo nka Corona Geza Aho, Tuzabyina neza birenze, Convention, Tekana ndetse n’izindi wasanga ku rubuga rwe rwa Youtube.
Umva hano indirimbo “Muri hehe ya Eric Senderi”:
