Burundi: Haravugwa umugambi mubisha wo guhungabanya umutekano w’u Rwanda

Amakuru aturuka i Burundi arahamya ko hari umugambi utegurirwa muri iki gihugu wo guhungabanya umutekano w’u Rwanda.

Amakuru  dukesha urubuga rwa  twitter ya ndongoziB, avuga ko Abaturage  amagana bo muri Komini ya Bukinanyana aho mu gihugu cy’Uburundi babifashijwemo n’Igipolisi cy’Igihugu ishami rya Komini ya Bukinanyana  binjijwe  mu mutwe witwaje intwaro w’Interahamwe, ibi bikaba byarabereye ku kicaro cya Polisi y’Uburundi ikorera muri Komini Bukinanyana mu minsi ya mbere y’ukwezi kwa Mutarama 2018, bafite umugambi wo gutera u Rwanda, babifashijwemo n’Imbonerakure.

Uyu mugambi mubisha wo guhungabanya umutekano w’ igihugu cy’u Rwanda uri gutegurirwa mu ibanga mu Burundi urimo na RNC ya Kayumba Nyamwasa yishyize hamwe niya Rudasingwa Theogene na P5.[ FDU-Inkingi, PDP-Imanzi, PS-Imberakuri ya Ntaganda Bernard ] umuhuzabikorwa ni Willy Nyamitwe abifashijwemo na  FDLR  kandi  uyu  mugambi wo kuzahungabanya umutekano w’igihugu cy’u Rwanda wiganjemo n’Imbonerakure zisanzwe zaratojwe n’igihugu cy’Uburundi.