Antoine Hey yakoze impinduka ebyiri ku mukino akina na Algeria

Umutoza w’ikipe y’igihugu Amavubi Antoine Hey mu mukino wa gicuti  Amavubi ahuramo  na Algeria, yakozemo impinduka ebyiri mu ikipe isanzwe ifatwa nk’iya mbere, byari biteganijwe ko guhera Saa Cyenda n’igice ikipe y’igihugu Amavubi iraza gukina umukino wa nyuma wa gicuti wo gutegura CHAN, aho iza kuba ihura na Les Fennecs ya Algeria, ari nawo mukino wa nyuma mbere y’uko berekeza muri CHAN.

Mu ikipe isanzwe imenyerewe nk’ikipe ya mbere, umutoza Antoine Hey yahinduyemo abakinnyi babiri, aho yashyizemo Nshimiyimana Amran mu mwanya wa Mansihimwe Djabel, na Rugwiro Herve mu mwanya wa wa Usengimana Faustin.

Manishimwe Djabel (wambaye No2) araza gusimburwa na Nshimiyimana Amran

Abakinnyi baza kubanzamo

Eric Ndayishimiye, Iradukunda Eric, Rutanga Eric, Kayumba Soter, Manzi Thierry, Rugwiro Herve, Mukunzi Yannick, Bizimana Djihad, Nshmiyimana Amran, Mico Justin na Biramahire Abeddy

Iyi kipe niyo isanzwe ari iya mbere, mu mikino myinshi Amavubi yagiye akina

Amavubi azakina umukino wa mbere muri CHAN na Nigeria ku wa mbere tariki 15/01/2018 (20h30), bazakina uwa kabiri tariki 19/01/2018 na Guinea Equatorial (20h30), uwa nyuma mu matsinda bakazakina na Libya tariki 23/01/2018 (20h00) . Ntituramenya uko uyu mukino wa gicuti wagenze.