Nyuma yaho ikipe y’ingabo z’igihugu y’u Rwanda, APR FC yegukanye igikombe cya shampiyona y’umwaka w’imikino wa 2019-2020 ariko ntigishyikirizwe bitenganyijwe ko kuri iki cyumweru tariki ya 2 Gicurasi aribwo igihabwa ku mugaragaro.
Nyuma yaho umwaka w’imikino wa 2019-2020 utasojwe bitewe n’uko ku isi hose hari icyorezo cya Koronavirusi kigatuma shampiyona y’uwo mwaka isubikwa itarangiye, nyuma yaho hari hamaze gukinwa imikino 23 yonyine, iyo mikino ikaba yarasojwe ikipe ya APR FC ariyo iyoboye andi bityo ihita yegukana icyo gikombe cya shampiyona iciye agahigo ko itigeze itsindwa muri iyo mikino 23 yakinwe mu Rwanda.
APR FC ikaba yaratangajwe nk’ikipe yatwaye shampiyona ariko ntiyigeze ishyikirizwa igikombe, ahubwo biteganyijwe ko ku munsi wa mbere w’isubukurwa ry’imikino y’icyiciro cya mbere aribwo igihabwa, iyi kipe ikaba ishyikirizwa iki gikombe ku mukino bazakira ikipe ya Gorilla FC bagakinira i Huye kuri iki cyumweru.
Muri uyu mwaka w’imikino wa 2020-2021 iyi kipe yambara umweru n’umukara iherereye mu itsinda rya As, aho iri kumwe na Bugesera FC, Gorilla FC bazakina umukino ubanza ndetse n’ikipe ya AS Muhanga yo itazakina umukino w’umunsi wa mbere bitewe n’uko bamwe mu bakozi bayo barimo n’abakinnyi banduye koronavirusi.
