Umukinnyi ukomoka muri Gabon rutahizamu Pierre-Emerick Aubameyang yabashije guhigika icyamamare gikomoka muri Cote d’ ivoire Yaya Toure ku mwanya w’ umukinnyi mwiza ku mugabane wa Africa 2015.
Aubameyang ahabwa igihembo na President wa Caf Issa Hayatou
Igihembo gitangwa n’ ishyirahamwe ry’ umupira w’ amaguru muri Africa ku mukinnyi mwiza w’ umwaka ntabwo cyasubiye kuri Yaya Toure wari uherutse kwegukana igihembo cy’ umukinnyi mwiza w’ umwaka wa 2015 ku mugabane wa Africa gitangwa na BBC.
Mumatora, abatoza n’ abayoboye akanama ka tekinike k’ ibihugu bigize iri shyirahamwe rya CAF, Aubameyang yagize amajwi 143 naho umukinnyi wa Manchester City Yaya Toure wimyaka 32 agira amajwi 136.
Aubameyang wimyaka 26 y’ amavuko abaye umukinnyi wa mbere ukomoka muri Gabon wegukannye iki gihembo.
Toure wa shakaga kugitwara inshuro 5 zikurikiranya bikaba bitakunze
Umukinnyi ukomoka muri Ghana ukinira Swansea mu bwongereza Andre Ayew w’ imyaka 26, yaje ku mwanya wa gatatu n’ amanota 112.
Aubameyang ukinira Borussia Dortmund mu budage ubu niwe uyoboye Bundesliga mu gutsinda ibitego uyu mwaka n’ ibitego 18 mu mikino 17.
Toure, warumaze imyaka ine atwara iki gikombe yikurikiranya aho yashakaga kureba ko yaca agahigo ko kugitwara inshuro eshanu zikurikiranya, yafashije igihugu cye gutwara igikombe cya CAN umwaka ushize naho umutoza watozaga iyi kipe ya Cote d’ Ivoire Herve Renard, yatorewe umutoza w’ umwaka.
M.Fils
