Ikipe ya Gisagara Volleyball Club yo mu ntara y’Amajyepfo yatangaje ko Gatsinzi Vénutse wakiniraga APR VC ari umukinnyi wayo mu kwitegura umwaka utaha w’imikino.
Gatsinzi wari umaze hafi umwaka adakina kubera ikibazo cy’imvune agiye muri iyi kipe nyuma yaho umwaka ushize wa 2024-2025 byari byavuzwe ko yasinyiye iyi kipe.
Icyo gihe hanzuwe ko uyu mukonnyi yari yayisinyiye ariko amasezerano ye muri APR VC atari yarangira, bityo asabwa kuyasoza nk’uko amategeko abiteganya.
Nyuma y’uko uwo mwaka urangiye, Gatsinzi yerekeje muri iyi kipe aho asanze abandi bakinnyi baherutse gutangazwa.
Abo ni NDAYISABA Sylvestre na Muvara Ronald, bose bari basanzwe bakina mu ikipe ya REG VC, aba bombi bakaba bagarutse muri iyi kipe nyuma y’imyaka 2 bayivuyemo.
Kuri iyi nshuro ikipe ga Gisagara Volleyball Club igiye kwakira Ndayisaba Sylvestre ku ncuro ye ya gatatu akinira iyi kipe yasoje ku mwanya wa Gatanu muri shampiyona iheruka.
Kimwe n’andi makipe yose arimo kwitegura umwaka w’imikino wa 2025-2026 aho biteganyijwe ko izatangira ku itariki ya 20 Ukwakira 2025.
