Ku mugoroba wo kuri uyu wa gatatu tariki ya 27 Mutarama 2022 nibwo mu gihugu cya Cameroon ahakomeje kubera imikino y’igikombe cya Afurika hasozwaga imikino yo muri kimwe cya munani cy’irangiza aho ikipe ya Misiri ndetse na Equatorial Guinea baraye babonye tike yo kujya muri 1/4.
Mu mukino wabanje ku isaha ya saa kumi n’ebyiri z’umugoroba nibwo ikipe ya Misiri yakinaga na Cote d’Ivoire, ni umukino warangiye amakipe yombi anganyije ubusa ku busa mu minota 90 y’umukino.
Nyuma y’iyo minota nk’uko amategeko abiteganya hongeweho iminota 30 nabwo birangira ari ubusa ku busa nkuko ku mukino wakurikiyeho wahuje ikipe ya Guine Equatorial ndetse na Mali, ibi byatumye amakipe yose yoherezwa muri Penaliti.
Ku mukino wa Misiri na Cote d’Ivoire hatewe Penaliti, birangira Misiri itsinze zose uko ari 5 naho Cote d’Ivoire itsinda 4, aha kuri uyu mukino myugariro Eric Baily Bertrand akaba yahushije Penaliti yatumye ikipe ye isezererwa.
Mu wundi mikino ho byarangiye ikipe ya Guinea Equatorial itsinze penaliti 6 kuri 5 za Mali yahise isezererwa.
Kugeza ubu imikino ya 1/4 izatangira kuri uyu wa gatandatu ndetse no ku cyumweru, dore uko imikino izakinwa:
Ku wa gatandatu, tariki ya 29 Mutarama 2022:
Gambia vs Cameroon 18h00
Burkina Faso vs Tunisia 21h00
Ku wa gatandatu, tariki ya 30 Mutarama 2022:
Egypt vs Morocco 17h00
Senegal vs Equatorial Guinea 21h00
