Umutoza wa Zimbabwe, Zdravko Logarusic, yashinje Kameruni yakiriye amarushanwa ‘ubupfumu n’amarozi’ mbere yo gufungura amarushanwa y’ibihugu by’Afurika yabereye i Yaounde ku wa gatandatu,igatsindwa igitego 1-0. Ifoto yasakajwe na Goal.com mbere y’umukino wagaragazaga umutoza wa Korowasiya yerekana agacurama gapfuye, iherekejwe n’icyapa cyanditseho ngo ‘ubupfumu muri Kameruni, Witchcraft in Cameroon’ byari mbere y’umukino wahuje impande zombi. Ntabwo aribwo bwa mbere Kameruni ishinjwa kwitabaza ubupfumu kugirango bigire ingaruka kumarushanwa.
Muri kimwe cya kabiri cy’irangiza muri Afcon 2002 hagati ya Mali na Cameroon, umutoza wa Kameruni Winfried Schafer n’umutoza w’abazamu (ndetse n’icyamamare mu ikipe y’igihugu) Thomas Nkono batawe muri yombi n’abapolisi bashinzwe guhosha imyigarambyo nyuma yo gukekwaho gushyira ibintu bidasobanutse mu kibuga mbere y’imikino.
Uretse kandi Cameroon yatsinze Zimbabwe, kurundi ruhande hari undi mukino wo mu itsinda A, Mali yatsinze Burkina Faso igitego 1-0.
