Ku mugoroba wo kuri uyu wa Kane wa Tariki ya 24 Kanama 2023 nibwo imikino y’igikombe cya Afurika cy’Abagore mu mukino wa Volleyball cyasojwe, ni imikino yasojwe Kenya yegukanye igikombe.
Wari umukino wa nyuma wahuje ikipe y’igihugu ya Kenya niyo yegukanye igikombe itsinze ikipe ya Misiri amaseti 3-0 (25-22, 25-20, 25-14).
Gutsinda uyu mukino ku ruhande rwa Kenya, kwatumye yuzuza ibikombe bya Afurikaicumi itwaye (1991, 1993,1995,1997, 2005, 2007,2011, 2013, 2015 & 2023).
Usibye uyu mukino wabaye, hari habanje umukino wo guhatanira umwanya wa Gatatu, wahuje Cameroon n’ikipe y’igihugu y’u Rwanda.
Cameroon yari yakiriye iyi mikino yatsinze u Rwanda ku maseti atatu kuri imwe 3-1 (25-21, 15-25, 14-25 & 15-25), ibi bikaba bisobanuye ko muri iki gikombe Nyafurika cy’Abagore muri Volleyball u Rwanda rwasoje ku mwanya wa kane.
Umukinnyi w’umunya Rwanda akaba na Kapiteni, Munezero Valentine uzwi nka Vava akaba yatowe mu ikipe nziza yaranze iri rushamwa nka Best Setter.
Amakipe yasoje mu myanya itatu ya mbwre Kenya, Misiri na Cameroun yabonye itike yo kuzahagararira Afurika mu mikino ya nyuma y’igikombe cy’Isi muri 2025 “FIVB Volleyball Women’s World Championship 2025” izabera muri Vietnam.
Kuri gahunda yo kugaruka nu Rwanda kw’ikipe y’ikipe y’igihugu, ni uko ikipe ihaguruka muri Cameroon kuri uyu wa 5 saa Cyenda na 45 z’igicamunsi za Kigali inyure muri Ethiopie(urugendo rw’amasaha 4), biteganyijwe ko izagera i Kigali saa sita na 45 z’ijoro zo ku wa Gatandatu.
Uko amakipe yasoje muri iki gikombe cya Afurika cy’Abagore.
1. Kenya
2.Egypt
3. Cameroun
4. Rwanda
5. Algeria
6.Nigeria
7. Maroc
8. Uganda
9. Mali
10. Burkina Faso
11. Burundi
12. Lesotho
