Umutoza w’ikipe ya Manchester United Jose Mourinho yatangarije abanyamakuru ko abona ikipe ye itahangana na mukeba wayo Manchester City kubera ko abayobozi be batamuha amafaranga menshi ngo agure abakinnyi.
Uyu mutoza wananiwe gutsinda Bunley ku munsi w’ejo kandi afite ikipe yuzuye,yabwiye abanyamakuru ko kuri we abona amafaranga ahabwa kugira ngo agure abakinnyi ari make ndetse nihatagira igihinduka ikipe ye iziruka inyuma y’abakeba.
Yagize ati “Ntabwo amafaranga mpabwa ahagije.Manchester City igura abakinnyi b’inyuma igiciro kingana n’icya ba rutahizamu.Amakipe makuru akwiriye kugura abakinnyi bahenze kurusha amakipe mato.”
Jose Mourinho amaze gutakaza amanota 7 mu mikino 5 ya Premier League aheruka gukina ndetse mu mikino 3 aheruka gukina nta n’umwe yatsinze.
Jose Mourinho aravuga ibi,nyamara amaze gukoresha asaga miliyoni 300 mu kugura abakinnyi mu mezi 18 yonyine.
Bamwe mu bakinnyi ba Manchester United
