Kuri uyu wa gatandatu tariki ya 9 Gicurasi, nibwo Umwanditsi wacu Mukuru yasezeweho mucyubahiro n’umuryango we, inshuti n’abavandimwe ndetse n’abanyamakuru bahuje umwuga. Burasa yitabye Imana kuri uyu wambere w’icyumweru dutangiye.
Abavuze mu izina ry’umuryango, inshuti ndetse n’abanyamakuru bagenzi be, bose bagarutse ku butwari bwaranze Burasa.
Burasa yavutse tariki ya 28 Kamena 1971 atabaruka tariki ya 5 Gicurasi 2020. Burasa yatangiriye umwuga w’itangazamakuru mu Kinyamakuru cyitwaga Rwanda Rushya mbere ya Jenoside yakorewe Abatutsi. Kubera umurongo cyari gifite yahizwe bukware, ariko abasha kurokorwa n’inkotanyi zimusanze muri St Paul mu kwezi kwa Gatandatu 1994. Yakoze kuri Radio Muhabura nyuma ya Jenoside akora kuri Radio Rwanda nyuma ashinga ikinyamakuru cye Rushyashya.
Burasa asize umugore n’abana batatu. Imana imwakire.
