• Ahabanza
  • Abo Turibo
  • Twandikire

RUSHYASHYA

Kandaho
  • Home
  • AMAKURU
    • Mu Rwanda
    • Mu Mahanga
  • POLITIKI
  • ITOHOZA
  • UBUKUNGU
  • IKORANABUHANGA
  • IMIKINO
  • SHOWBIZ
  • HIRYA NO HINO
  • MULTIMEDIA
    • Videwo
Inkuru zigezweho
  • BURUNDI: Urupfu rw’abarwanashyaka 31 ba CNDD-FDD i Busoni rwibajije byinshi ku mutekano w’abaturage n’inshingano z’ubuyobozi   |   18 Nov 2026

  • Perezida Paul Kagame yakurikiwe umukino ikipe y’igihugu ya Mali yatsindiyemo u Rwanda ibona itike ya CAN 2027   |   18 Nov 2026

  • Macron: Kwaguka kwa OIF bidusaba kubaka ubwumvikane kugira ngo tubungabunge ubumwe   |   16 Nov 2026

  • Cambodia: Perezida Kagame na Madamu Jeannette Kagame bahageze, bakirwa n’abayobozi batandukanye   |   12 Nov 2026

  • Karuranga John Vianney wasabwe gutera Gerenade mu Rwanda yambitse ubusa Abagome ataha mu Rwanda   |   11 Nov 2026

  • Jenoside ikomeje kwambika ubusa Interahamwe: Teganya Jean Léonard Yoherejwe na Amerika mu Rwanda   |   10 Nov 2026

 
You are at :Home»Amakuru»Mu Mahanga»Ni gute ikoranabuhanga rifasha Polisi y’u Rwanda gutunganya neza imirimo yayo

Ni gute ikoranabuhanga rifasha Polisi y’u Rwanda gutunganya neza imirimo yayo

Ubwanditsi 12 May 2016 Mu Mahanga

Nk’uko byagiye bigenda mu nzego zitandukanye zikifashisha ikoranabuhanga mu mirimo yazo, Polisi yo muri iki gihe tugezemo nayo yifashisha ikoranabuhanga nka kimwe mu gikoresho cyo gukumira no kurwanya ibyaha bikorwa muri iyi minsi cyane cyane ko hari ibikorwa hifashishijwe iryo koranabuhanga.

Iterambere mu ikoranabuhanga rituma inzego z’umutekano zikoresha uburyo burenze ubwa gakondo, zigahanga udushya dutuma ibyaha bikumirwa bitaraba, n’ababigizemo uruhare bagafatwa vuba.

Ntawakwirengagiza ko ubu abantu benshi ku isi ikoranabuhanga rifite uruhare runini mu buzima bwabo, ibyo bigatuma n’abanyabyaha barikoresha mu gukora ibyaha bitandukanye.

Ibi nibyo byatumye rero n’inzego zishinzwe umutekano zarashyize imbaraga mu gukoresha iryo koranabuhanga, bashyiraho ibikoresho bitandukanye bizifasha mu gukurikirana no gufata abakekwaho ibyaha.

Ni muri urwo rwego na Polisi y’u Rwanda yashyizeho ubwo buryo n’ibikoresho bituma irwanya ibyaha bikorwa hifashishijwe ikoranabuhanga, ihugura abapolisi bakoresha iryo koranabuhanga, byose bigamije gukumira, gutahura no kugenza ibyaha by’ikoranabuhanga.

Umuyobozi w’ishami rishinzwe iterambere ry’ikoranabuhanga (Communication and Information System -CIS) muri Polisi y’u Rwanda Chief Superintendent of Police (CSP) Elie Mberabagabo, yavuze imikorere y’iri shami anavuga ko muri iki gihe hafi y’ibyaha byose bikorwa hifashishijwe ikoranabuhanga.

Akaba yagize ati:” Mu mwaka wa 2000, twatangiye turi agashami gato, ariko uko isi igenda itera imbere ari nako abanyabyaha bakoresha uburyo bugoranye kubatahura, Polisi y’u Rwanda yasanze ari ngombwa ko natwe twongera imbaraga mu mikorere yacu no mu bikoresho twifashishaga, ubu tukaba twarabaye ishami rikomeye, rifite ibikoresho bihagije kandi bikomeye ku rwego rw’isi, byose bituma tubasha guhangana n’ibyaha bikrwa hifashishijwe ikoranabuhanga.”

Yavuze ko kugeza ubu, iri shami rishinzwe iterambere ry’ikoranabuhanga (CIS) arizo Information Technology, Technical Support, Communications, Command and Coordination Center na Cyber Security Deployment, ikagira abahanga mu ikoranabuhanga 100, ndetse ubu ikaba yaramaze kubona software igezweho ikoreshwa mu gutahura abakora ibyaha by’ikoranabuhanga.

-2789.jpg

Umuyobozi w’ishami rishinzwe iterambere ry’ikoranabuhanga (Communication and Information System -CIS) muri Polisi y’u Rwanda Chief Superintendent of Police (CSP) Elie Mberabagabo

Akaba yagize ati:”Nk’uko ibyaha byinshi bikorwa hifashishijwe ikoranabuhanga, dufasha ishami ry’ubugenzacyaha muri Polisi y’u Rwanda (CID) mu gutahura abanyabyaha, kuko dufite ubushobozi bwo kubona ibintu byose bishobora kuba biri muri mudasobwa n’ikindi kintu cyose kibikwaho inyandiko n’amashusho.”

CSP Mberabagabo yakomeje avuga ko kubera ko u Rwanda rwihuta mu ikoranabuhanga n’itumanaho kandi rikaba rikoreshwa mu buzima butandukanye bw’igihugu, Polisi y’u Rwanda ifite inshingano zo kugenzura ikoreshwa neza ryaryo mu rwego rwo gucungira umutekano abarikoresha.

Avuga ku buryo Polisi y’u Rwanda yifashisha ikoranabuhanga mu gufata abanyabyaha yavuze ko Polisi mpuzamahanga (Interpol) yashyizeho uburyo bwo guhanahana amakuru mu buryo bwihuse aho umunyacyaha ageze mu gihugu runaka kigaha amakuru aho akomoka cyangwa yakoreye icyaha agafatwa aribwo buzwi ku izina rya I-24/7, bisobanuye ko ibihugu byo ku isi yose amasaha 24, iminsi 7 biba bihanahana amakuru, ubu buryo Polisi y’u Rwanda ikaba yaranabugejeje ku mipaka hafi ya yose y’u Rwanda no ku kibuga cy’indege cya Kigali, ndetse no mu kigo cy’Igihugu cy’abinjira n’abasohuka no mu kigo cy’igihugu gishinzwe imisoro n’amahooro ishami rya gasutamo.

Kubera iri koranabuhanga rya I-24/7 abakekwaho ibyaha hafi 300 bashyizwe ku rutonde rw’abashakishwa, 17barafashwe bacirwa imanza mu bihugu bafatiwemo, 75 barafashwe boherezwa kuburanira mu rukiko mpanabyaha rwashyiriweho u Rwanda (ICTR), abandi 13 boherezwa kuburanira mu Rwanda.

Yanavuze ko iri koranabuhanga ryagejejwe mu mashami atandukanye ya Polisi y’u Rwanda mu korohereza abayigana, aho yavuze ko ryagejejwe mu kigo cya Polisi gipima ubuziranenge bw’ibinyabiziga, kwiyandikisha ku bashaka impushya zo gutwara ibinyabiziga ndetse no gusohora izo mpushya ku buryo bisigaye bikomerera abashaka gukora iz’impimbano.

Mu rwego rwo gukomeza kwegereza serivisi abaturage, iri koranabuhanga muri Polisi y’u Rwanda yashyizeho imirongo itishyurwa, urubuga rwa Polisi y’u Rwanda, imbuga nkoranyambaga Polisi y’u Rwanda ikoresha abaturage bakaba bashobora gutangiraho ibibazo byabo bakabona ibisubizo ako kanya.

Uru rubuga rwa Polisi y’u Rwanda ni (www.police.gov.rw), imbuga nkoranyambaga ni twitter na facebook, naho iyo mirongo itishyurwa ni aho uwagize ikibazo kirebana n’iby’inzira zo mu mazi ahamagara kuri 110, ukorewe ihohoterwa rishingiye ku gitsina ahamagara kuri 3512, uhohotewe n’umupolisi ahamagara kuri 3511, uhuye n’ikibazo cy’impanuka zo mu muhanda ahamagara kuri 113, ushaka ubutabazi bwihuse ahamagara kuri 112, ushaka ubutabazi ku nkongi z’umuriro ahamagara kuri 111, ushaka gutanga amakuru kuri ruswa ahamagara 997, utanga amakuru k’uhohotera umwana ahamagara 116, naho ushaka ubufasha mu kigo Isange agahamagara kuri 3029.

CSP Mberabahizi kandi yagize ati:” Kubera iyi mirongo itishyurwa n’izi mbuga nkoranyambaga, bituma Polisi y’u Rwanda ikorana bya hafi n’abaturage.”

Imigambi iri imbere ni iyihe?

Yasobanuye ko Polisi y’u Rwanda ifite gahunda yo gushyiraho uburyo bw’ikoranabuhanga bushoboka bwose ngo ikome mu nkokora abanyabyaha, aho yagize ati:”Mu rwego rwo gukomeza gucunga umutekano w’abaturage hakoreshejwe ikoranabuhanga, Polisi y’u Rwanda ifite umushinga wo gukwirakwiza za CCTVs mu bice bikunda guhuriramo abantu benshi mu mijyi itandukanye y’iki gihugu, zikazatuma tuzajya tubona ibyahabereye, tukaba turi no gukorana n’ishami rya Polisi rishinzwe umutekano wo mu muhanda ngo hashyirweho uburyo bw’ikoranabuhanga buzatuma abakoresha umuhanda banyurwa na serivisi bahabwa n’iri shami.”

Iryo koranabuhanga rizifashishwa n’ishami rya Polisi rishinzwe umutekano wo mu muhanda harimo guha utwaye ikinyabiziga ufatiwe mu ikosa urupapuro ruvuye mu kamashini kazajya kaba gafitwe n’umupolisi, aho kumusigaranira ibyangombwa, hanyuma nawe akazajya kwishyura amande yaciwe akoresheje ikoranabuhanga.

CSP Mberabagabo yasoje avuga ko n’ubwo ibyaha bikorwa hifashishijwe ikoranabuhanga bitaraba byinshi mu Rwanda, ahandi ku isi bihakorerwa cyane, ariko ko ababikora bagomba kumenya ko Polisi y’u Rwanda ihagaze neza ku ikoranabuhanga ku buryo uwo ariwe wese uzabikinisha atazatinda gufatwa agashyikirizwa ubutabera, akaba asaba buri wese gutangira amakuru ku gihe y’ibyaha by’ikoranabuhanga.

RNP

2016-05-12
Ubwanditsi

IZINDI NKURU

Polisi y’u Rwanda yaburijemo ubujura bw’ikoranabuhanga bw’amadolari ibihumbi 700

Polisi y’u Rwanda yaburijemo ubujura bw’ikoranabuhanga bw’amadolari ibihumbi 700

Ubwanditsi 23 Jan 2017
Mu Ishuri rya Polisi y’u Rwanda ry’i Gishari hatangijwe amahugurwa ku kurwanya inkongi z’imiriro

Mu Ishuri rya Polisi y’u Rwanda ry’i Gishari hatangijwe amahugurwa ku kurwanya inkongi z’imiriro

Ubwanditsi 10 Jan 2017
Bamwe mu batanze ubuhamya bushinja mu Rukiko Mpuzamahanga rw’Arusha barahabwa ruswa ngo bahindure imvugo, bityo abajenosideri bagirwe abere

Bamwe mu batanze ubuhamya bushinja mu Rukiko Mpuzamahanga rw’Arusha barahabwa ruswa ngo bahindure imvugo, bityo abajenosideri bagirwe abere

Ubwanditsi 11 Dec 2024
Ishyirahamwe, Jambo asbl  rikomeje gutagatifuza umutwe w’abajenosideri wa FDLR

Ishyirahamwe, Jambo asbl  rikomeje gutagatifuza umutwe w’abajenosideri wa FDLR

Ubwanditsi 08 Jan 2025

Leave a Reply Cancel reply

Your email address will not be published. Required fields are marked *

IZO TWAGUHITIYEMO

Davido yakoze agashya mu gitaramo i Kigali nyuma y’ imvura nyinshi ndetse n’ imbeho “REBA HANO AMAFOTO”
INKURU ZAKUNZWE CYANE

Davido yakoze agashya mu gitaramo i Kigali nyuma y’ imvura nyinshi ndetse n’ imbeho “REBA HANO AMAFOTO”

Ubwanditsi 04 Mar 2018
Yves Rwasamanzi nk’umutoza mukuru w’Amavubi U23 yahamagaye abakinnyi bitegura gukina igikombe cya Afurika bitegura guhura na Libye
Amakuru

Yves Rwasamanzi nk’umutoza mukuru w’Amavubi U23 yahamagaye abakinnyi bitegura gukina igikombe cya Afurika bitegura guhura na Libye

Ubwanditsi 15 Sep 2022
Judith Suminwa Tuluka, umugore wa mbere ugizwe Minisitiri w’intebe mu mateka ya Kongo-Kinshasa.
Amakuru

Judith Suminwa Tuluka, umugore wa mbere ugizwe Minisitiri w’intebe mu mateka ya Kongo-Kinshasa.

Ubwanditsi 01 Apr 2024

AKA RUSHYASHYA

KWAMAMAZA

HIRYA NO HINO

Nyuma y’imyaka 23 akinira ikipe y’igihugu ya Portugal, Umunyabigwi Cristiano Ronaldo yayisezeye

Nyuma y’imyaka 23 akinira ikipe y’igihugu ya Portugal, Umunyabigwi Cristiano Ronaldo yayisezeye

05 Nov 2026
Zabyaye amahari hagati ya Leta ya Congo na FC Barcelona: Amasezerano ya Miliyoni 43 z’Amayero ahagaritswe kubera komisiyo ya Miliyoni4.3 z’Amayero

Zabyaye amahari hagati ya Leta ya Congo na FC Barcelona: Amasezerano ya Miliyoni 43 z’Amayero ahagaritswe kubera komisiyo ya Miliyoni4.3 z’Amayero

28 Sep 2026
Ibisa birasabirana, noneho Kayumba Nyamwasa yisunze Abanyamulenge baguzwe na Tshisekedi ngo bagambanire benewabo

Ibisa birasabirana, noneho Kayumba Nyamwasa yisunze Abanyamulenge baguzwe na Tshisekedi ngo bagambanire benewabo

23 Sep 2026
Mu rwego rwo Guhirika Ubutegetsi, Ingabire Umuhoza Victoire ngo yari afite inshingano yo gushaka abantu bagera ku 5000 bagombaga kujya mu mihanda kwigaragambya, bagatera ingabo mu bitugu abagombaga guhirika ubutegetsi.

Mu rwego rwo Guhirika Ubutegetsi, Ingabire Umuhoza Victoire ngo yari afite inshingano yo gushaka abantu bagera ku 5000 bagombaga kujya mu mihanda kwigaragambya, bagatera ingabo mu bitugu abagombaga guhirika ubutegetsi.

22 Sep 2026
Ibyabapfu biribwa n’abapfumu; uburyo Thomas Nahimana akomeje kurya imitsi ibigarasha birangaye

Ibyabapfu biribwa n’abapfumu; uburyo Thomas Nahimana akomeje kurya imitsi ibigarasha birangaye

14 Sep 2026
Eugène Ntambara yakatiwe burundu n’ubutabera bw’u Buholandi kubera uruhare muri Jenoside yakorewe Abatutsi

Eugène Ntambara yakatiwe burundu n’ubutabera bw’u Buholandi kubera uruhare muri Jenoside yakorewe Abatutsi

31 Aug 2026
Polisi y’u Rwanda Irakangurira Abanyatubari kongera gusubira ku muco wo gufunga bakurikije amasaha yagenwe

Polisi y’u Rwanda Irakangurira Abanyatubari kongera gusubira ku muco wo gufunga bakurikije amasaha yagenwe

05 Aug 2026

KWAMAMAZA

Kandaho

KWAMAMAZA

KWAMAMAZA

KWAMAMAZA

Rushyashya
Rushyashya ni Ikinyamakuru cya Sosiyete Ebenezer Media Group ltd, cyatangiye gukora mu mwaka w'2000. Kugeza ubu dukorera ku imigabane yose y'isi.

CONTACTS


P.O Box: 4305 Kigali-Rwanda
Emails: info@rushyashya.net , rushyashyanewsofficial@gmail.com

- Abo Turibo
- Twandikire
- Kwamamaza

Iyandikishe ujye ubona Amakuru

DUKURIKIRE

© Copyright 2019, All Rights Reserved
Rushyashya - Amakuru