Mu gusiganwa n’igihe umuntu ku giti cye, Nsengimana Jean Bosco yegukanye umwanya wa mbere ahita yambara umupira w’umuhondo.
Akoresheje iminota 3, amasegonda 46 n’ibice 6, Nsengimana Jean Bosco yahise akuraho agahigo yari yarashyizeho mu mwaka wa 2015, ahita anatangira Tour du Rwanda 2017 ari we wambaye Maillot jaune.
Ku mwanya wa kabiri, yakurikiwe na Valens Ndayisenga wari wegukanye Tour du Rwanda y’umwaka ushize, ku mwanya wa gatatu haza De Bod Stefan ukinira Dimension data, naho Areruya Joseph aza ku mwanya wa kane.
Uko bakurikiranye (10 ba mbere)
1. Nsengimana Jean Bosco 3’46″06
2. Ndayisenga Valens 3’48″77
3, De Bod Stefan 3’52″87
4. Areruya Joseph 3’54″44
5. Kangangi Suleiman 3’55″93
6. Piper Cameron 3’56″84
7. Byukusenge Patrick 3’56″97
8. Mugisha Samuel 3’57″13
9. McPahden Cameron 3’57″27
10. Uwizeye Jean Claude 3’57″82
Kuri uyu wa mbere abakinnyi baraza kuba bakina umunsi wa kabiri wa Tour du Rwanda, ari nako gace ka mbere k’irushanwa, aho baza guhaguruka i Kigali Saa ine za mu gitondo berekeza mu karere ka Huye, bagasiganwa intera ingana na Kilometero 120.3.
