Umuhanzi nyarwanda Amalon kuri ubu ntakiri kubarizwa mu inzu ishinzwe kureba no gushaka inyungu z’umuhanzi ya 1K Entertainment isanzwe iyoborwa na DJ Pius nawe w’umuhanzi, ibi bikaba byanemejwe n’uyu muyobozi wayo abinyujije ku rukuta rwe rwa Istagram
Uyu muyobozi DJ Pius yashyize amashusho y’amasegonda 18 kuri Instragram ayaherekeresha amagambo agaragaza ko 1K Entertainment ayoboye itagifite uyu muhanzi mubo bagomba gushakira akaryo.
Yagize ati “Nta kintu na kimwe cyasiba urwibutso rw’ibyo twageranyeho, gukorana nawe byari amahitamo meza. Ndabizi uzakora akazi keza mu ruganda rw’imyidagaduro kandi nzahora mpari mu kugushyigikira.”
Ari kumwe na 1K Entertainment, uyu muhanzi Amalon yakoze indirimbo nyinshi ndetse zanatumye amenyekana ku rwego rwo hejuru mu muziki nyarwanda, aha twavuga nka Byakubaho, Yambi, Ngirente, Amabara yahuriyemo n’abandi bahanzi bagera kuri bane, Derila yakoranye na Ally Soudy, Impanga, Byukuri na Single yakoranye na Weasel wo mu itsinda rya Goodlyfe.
1K Entertainment itandukanye n’uyu muhanzi nyuma yaho bari bamaranye igihe kingana n’imyka irenga itatu basinyanye amasezerano y’imikoranire kuko bari baguranye amasezerano muri Nzeri umwaka wa 2018.
