Polisi ya Uganda ikorera mu kace ka kasese icumbikiye umwe mu bo bakorana utatangajwe amazina ukurikiranyweho gusambanya ku ngufu umwana w’umukobwa ubana n’ubumuga akanamutera inda.
Uyu mupolisi ukora mu rwego rwa police Constable ashinjwa gusambanya uyu mwana w’imyaka 16, imiryango irengera abafite ubumuga n’abandi babifite mu nshingano bakaba bari gushyira polisi mu majwi kubera kutabasha kurengera abatishoboye ahubwo ikabahemukira.
Umuyobozi w’umuryango wita ku babana n’ubumuga muri kariya gace, Zawadi Nakubulwa yanenze polisi anayishinja kuba nta ruhare rugaragara ifite mu guhashya ababangamira ubureganzira bw’abafite ubumuga.
Umuvugizi wa polisi muri kariya gace, Julius Tusingwire Ceaser yasobanuye ko hagiye gukorwa iperereza byanaba ngombwa aba bombi bakajyanwa kwa muganga gukorerwa ibizamini by’isuzuma yahamwa n’icyaha agahanwa n’amategeko.
