Umuhanzi wo muri Kenya uririmba indirimbo zihimbaza Imana, Ringtone washakaga guha Zari Hassan impano yimodoka ihenze ya ‘Range Rover’, ubu yabaye iciro ry’imigani ku mbuga nkoranyambaga.
Hadutse inkubiri yo gukwirakwiza amafoto ku mbuga nkoranyaga asa neza n’aya Ringtone ubwo yari ategereje Zari ngo kuri Kiss FM ngo amushyikirize imodoka yari yamugeneye.
Bamwe mu bantu batangiye gusakaza aya mafoto bigana Ringtone ategereje Zari, barimo uwitwa Henry Dasagu wazanye imodoka yo mu bwoko bwa Toyota Corolla ishaje ku buryo bugaragara nawe ashyiraho ikirango cy’uko ari impano yageneye Zari amutegereje ngo ayimuhe.
Undi mugabo wagaragaye muri iyi nkubiri utamenyekanye amazina yari afite ingorofani ikoze mu biti ashyiraho ikirango cyanditseho Zari, amugaragariza ko amukunda nk’uko Ringtone yabitangaje.
Ringtone amaze kugaragaza inshuro nyinshi ko akunda Zari, akaba avuga ko uyu mugore akeneye umugabo umufasha kwegera Imana, agasenga kandi agatuza mu mutima nyuma yo gupfusha umugabo wa mbere, uwa kabiri na we bagashwana. Ariko abantu bakibaza impamvu yiruka ku mukecuru w’abana 5, umurusha imyaka, umaze gutandukana n’abagabo babiri.
