Imyanzuro y’iyi nama y’abaminisitiri yo kuri uyu wa Gatatu igaragaza ko Jackline Kamanzi wari umaze ukwezi n’igice agizwe Umunyamabanga uhoraho muri Minisiteri y’Uburinganire n’Iterambere ry’Umuryango (MIGEPROF) yasimbuwe na Umutoni Gatsinzi Nadine, we asubizwa mu nama y’igihugu y’abagore nk’Umunyamabanga Nshingwabikorwa.
Gatsinzi Nadine yari asanzwe akuriye Corporate Service (Ishami rishinzwe Imirimo rusange) muri RGB
Perezida Kagame yaherukaga kugira Kamanzi Jackline Umunyamabanga uhoraho muri Minisiteri y’Uburinganire n’Iterambere ry’Umuryango, kuwa Gatanu tariki 18 Werurwe 2016, akaba asimbujwe nyuma y’iminsi 41.
Umutoni Gatsinzi Nadine na Jackline Kamanzi
Kalisa Edward
Kalisa Edward wahoze ari Umunyamabanga Uhoraho muri Minisiteri y’Umuco na Siporo, MINISPOC, nawe akaba ari mu bahawe imirimo mishya, aho yashyizwe mu Kigo cy’Igihugu gishinzwe Imiyoborere, RGB, nk’Umuyobozi Mukuru w’Ishami rishinzwe Imirimo rusange.
Umwanditsi wacu
