Umukino wabereye kuri Sitade ya Kigali i Nyamirambo wahuje ikipe ya Rayon sports bakunze kwita Gikundiro yakiriye ikipe ya Marine FC ikipe y’Abasirikare barwanira mu mazi, ku mukino w’umunsi wa 14 wa shampiyona ubwo umukino warangiye ari ibitego 2 ku busa bwa Marine FC.
Ni umukno waranzwe no gutinyana hagati yamakipe yombi ariko mu byukuri ukabona ko ikipe ya Rayon Sports isatira cyane Marine FC. ku munota wa 64 nibwo umukinnyi w’umuhanga cyane Kwizera Pierrot yatsinze igitego cya mbere cya Rayon Sports.
Ikipe ya Marine imaze gutsindwa igitego, nayo yagerageje uko ishoboye kose ngo yishyure ariko bikomeza kwanga maze umusore Muhire Kevin wa Rayon Sport wagiyemo asimbuye, atsinda igitego cya 2 ku munota wa 79.
Kumpande zombi umukino warangiye ari ibitego 2 ku busa bwa Marine FC yaturutse i Gisenyi ije gushaka amanota 3 kuri Rayon Sport nubwo atariko byayigendekeye.
Rayon Sports irimo kwitegura umukino wo kwishyura izakina n’ikipe ya Mamelodi Sundowns, iherutse kunganya 0-0 mu mukino waberey i kigali, witabiriwe n’abayobozi bakomeye barimo Perezida wa CAF, Ahmed Muhammed uri mu ruzinduko rw’akazi mu Rwanda.
Aherekejwe n’abayobozi ba FERWAFA mu Rwanda, Perezida wa CAF yari yaje kureba umukino wa Rayon Sports na Marine FC
Reba urutonde rw’abakinnyi 11 babanjemo ku mpande zombi
Ikipe ya Rayon Sports: Ndayishimiye Eric ‘Bakame’ (1) (C), Mutsinzi Ange (5), Usengimana Faustin (15), Manzi Thierry (4), Mugisha Francois ‘Master’ (25), Yannick Mukunzi (6), Nyandwi Saddam (16), Rutanga Eric (3), Kwizera Pierrot (23), Mugume Yassin (18) na Christ Mbondi (9).
Ikipe ya Marines FC: Dukuzeyezu Pascal, Nsabimana Hussein (C), Ishimwe Christian, Ndayishimiye Thierry, Mutunzi Clement, Yamin Salum, Niyitegeka Idrissa, Bahame Arafat, Kalisa Hamuri, Tuyishime Bejamin, Birimungu Omar
urutonde rw’uko indi mikino yagenze
Kuwa Gatandatu tariki 10 Werurwe
Bugesera 2-0 Mukura VS
Etincelles 3-0 Gicumbi FC
Ku Cyumweru tariki 11 Werurwe
Kirehe FC 1-0 Police FC
Miroplast FC 1-2 Sunrise FC
Kiyovu Sports 2-0 Amagaju FC
Kuwa Mbere tariki 12 Werurwe hateganyijwe umukino uzahuza ikipe ya AC Kigali na Musanze FC ukazabera kuri Sitade ya Kigali i Nyamirambo ku isaha ya 15 :30. Hari kandi umukino wa APR FC na Espoir FC wari uteganyijwe kuwa Kabiri ariko uyu warasubitswe.
Perezida wa CAF yarebye uyu mukino ariko yahereye mu gice cya kabiri.
Mugume yitwaye neza mu gice cyambere nubwo nta gitego yatsinze muri uyu mukino. 
Muhire Kevin yishimira igitego cya kabiri nyuma yo gucenga umuzamu wa Marine. 
Nyandwi Sadam nawe yitwaye neza cyane muri uyu mukino. 
Rutanga Eric yamaze gufatisha cyane nyuma yo kuva muri APR FC 
wari umukino urimo ihangana rikomeye ku mpande zombi.
