Umubiligi Ivan Minnaert watozaga ikipe ya Rayon Sports yasinye amasezerano y’imyaka 2 mu ikipe ya AFC Leopards yo mu gihugu cya Kenya, nyuma yo gusezera ku mirim ye mu ikipe ya Rayon Sports yari amazemo amezi agera kuri 3.
aha umutozo yari ku kibuga agiye muri Kenya
Kuri uyu wa Gatatu, nyuma yo gutsinda ikipe ya Kiyovu Sports, umubiligi Ivan Minnaert watozaga Rayon Sports yaratunguranye yinjira mu cyumba yagombaga kuganiriramo n’itangazamakuru, avuga ko yamaze kwegura kubera impamvu ze bwite, mu ikipe ya Rayon Sports.
“ Namaze gushyira aumukono ku masezerano y’imyaka 2, mu ikipe ya AFC Leopards, tike y’indege namaze kuyibona, ubu ngiye gutoza iyi kipe yo mu gihugu cya Kenya.” Ivan Minnaert aganira na RuhagoYacu, mbere yo kwerekeza mu gihugu cya Kenya.
Uyu mutoza akaba yakomeje abwira RuhagoYacu, ko ari umutoza ukunda amakipe agira abakunzi benshi, ari imwe mu mpamvu ahisemo n’ikipe ya AFC Leopards yo muri Kenya.
Kuri uyu wa kane mu rukerera, ni bwo Ivan Minnaert yavuye muri Hoteli yari acumbitsemo, yerekeza I Nairobi, kurangizanya n’ikipe ya AFC Leopards.
M.Fils
