Umuhanzi Dr Jose Chameleone akomeje gukubita agatoki ku kandi nyuma y’urupfu rwa Radio wahoze aririmba mu itsinda rya Good Life uherutse kwitaba Imana, aho yatangaje ko ikigiye gukurikiraho kirimo no kuba agiye kwihorera ku wagize uruhare uwariwe wese ku rupfu rwa Radio.
Kuwa Gatandatu w’icyumweru gishize ubwo Radio yashyingurwaga i Kagga Nakawuka mu karere ka Wakiso ku muhanda wa Entebbe nibwo umuhanzi Jose Chameleone yatangaje ko kuri ubu igikurikiyeho agomba kwihorera dore ko na murumuna we AK47 nawe yapfuye nyuma yo gukubitirwa mu bwogero bw’akabari.
Mu magambo ye, Jose Chameleone yagize ati:”Turabirambiwe rwose, iki ni cyo gihe cyo kubwira Leta yacu ko twebwe nk’abahanzi twafashe umwanzuro wo kwica buri wese utubangamiye kuko tubona ko Leta nayo byayinaniye kuturindira umutekano”.
